Selebra Vizita Papa João Paulo II Iha TL, Avelino & Nakfilak : Hamutuk Hari’i Nasaun Ho Esperansa

 

SAPNewsTL, Dili : Seminário Nacionál Iha Ámbitu Komemorsaun ba Dala XXXIII Primeiro Manifestasaun Pasifika Tasi Tolu, Dili no Vizita Amu Papa João Paulo II (12/10/1989-12/10/2022, Seminário refere organiza husi Frente Urbana ho Tema Hamutuk ho Frente Urbana ita Konstrui Nasaun Nakonu ho Esperansa ba Futuru

Tuir Orador Dr. Avelino Coelho da Silva, konsidera eventu refere Importante ba demokrasia ninia funsiona, oinsa ema bele hato’o ninia deskontentamentu no preokupasaun sira

“Oinsa imi nia preokupasaun, insatisfasaun, deskontantamentu imi bele hato’o no hetan resposta, Determinante ne’e mak Votu, bainhira Povu Ezerse nia direitu de votu, nia vota ba mudansa,ou nia vota ba nia hametin nafatin nia halerik no terus, forum Diskusaun ba joven sira bele rona opiniaun husi lider oioin, partidu oioin, no akademista sira”.Tenik nia Dr. Avelino Coelho iha Salaun CNE, Laline-Larigutu, 11/10/2022

Avelino hatutan, PST defende Agrikultura ne’ebe povu ninian, nia mak tenki na’in ba agrikultura, nia tenki na’in ba produtus Agrikolas, nia tenki na’in  ba meius proposal, se los nai tenki iha Trabalhador,ita la funu atu sai Trabalhador,ita funu atu servisu, na’in ba buat hot-hotu

“Komite iha rai, ita nain ba rai, ita nain agrikultura, proprietaria rai, laos agrikultura aluga ema nia  rai, ita iha rai, buat sira ne lalos ne’e atu muda ho politika ho partidu ne’ebe ba ukun, atu muda politika, atu muda lei,atu defini programa”. Dehan Avelino

Nia informa, Joven sira hakarak muda mak ida ne’e, 2023 tempu de mudansa, vota iha partidu ida ne’ebe ho projeitu de Dezenvolvimentu, labele tan imi gosta bandeira, Labele tan imi gosta lider, gosta ne’e normal, tenki gosta nia projeitu, nia atu lori imi ba ne’ebe, projeitu politika, para depois imi kontrola, nia promete dehan nia halo agrikultura,mak nia la halo,imi kontrola

Iha fatin hanesan, Orador Jose Manuel Fernandez “Nakfilak” hateten Frente Urbana ne’e hanesan sensu ne’ebe foti iha pasadu, pasadu ne’ebe luta ba libertasaun patria no presente ne’ebe atu konsolida hodi projeta future ne’ebe ba povu

“Ha’u labele tur iha oin, tanba ema hateke liu ba partidu, ita sira ne’ebe mak mai husi pasadu hamutuk ne’e, ita la konsege konviviu fali, sensu ida ne’ebe mak ita foti iha pasadu,ita lakon buat hotu,porque  ita hanoin objectivu komun mak ida ne’e los deit, libertasaun partia ne’ebe hotu ona, ita tama ona ba nia partidu politiku, buat seluk ne’e husik ona ba ita lalika halibur malu ona, lalika buka malu ona, moris iha fali iha konvivensia,uluk, lae,  ita tenki loke espasu fo Oportunidade ba ita hotu,atu tur hamutuk hodi diskuti, oinsa iha prosesu Konstrusaun estadu direitu Demokratiku”. Subliha Nakfilak

Orador ne’e konsidera Partisipasaun responsablidade Joventude iha prosesu konselidasaun estadu direitu Demokratiku importante tebe-tebes hodi ema hotu bele ko’alia ninia direitu no dever sira

“Partisipasaun responsablidade Joventude iha prosesu konselidasaun estadu direitu Demokratiku, Importante teb-tebes atu sivitas akademika, sosiedade liliu joven, atu provoka beibeik kolokiu, simpóziu, Semináriu sira para haré ita nia direitu, maibe tenki ko’alia ita nia dever ne’e, saida mak ita bele halo hamutuk iha aspektu politika, Ekonomia, sosial, edukasaun, hodi garante sustentablidade estadu ne’e rasik”. Nia fundamenta

Enkuantu, Semináriu nasionál ne’e hetan partisipasaun maksimu husi estudante universitariu sira iha Kapital Dili

Journalista  : Jonh Marito & Conzita Mota

Editor           : Ekipa Editorial