Salva Funsionáriu & Komunidade ! MS Oferese Ambulánsia Ba Klínika Palásiu Prezidensial
Imajem : Asina dokumentu no entrega ambulánsia ba klínika palásiu prezidensial iha Aitarak -Laran, 13/03/2025. Foto : Media PR
SAPNewsTL, Dili : Ministeriu Saúde oferese karreta ambulánsia ida ba klínika Palásiu Presidensial hodi asegura funsionáriu no komunidade sira.
Hafoin entrega karreta ambulánsia, Presidente da Repúblika José Ramos Horta hateten klínika Palasio Presidensial atu fo tratamentu ba funsionáriu Presidénsia Repúblika no komunidade ne’ebe hela besik iha Palasiu Presidensial Nicolau Lobato.
“Klinika Palasiu Presidensial ne’e hanesan rai barak iha mundu iha servisu médiku iha presidénsia, iha ne’e fo apoiu ba funsionáriu sira hotu-hotu ba familia funsionariu”.Dehan OR Ramos Horta ba Jornalista sira iha Palasio Presidensial Nicolau Lobato kinta-feira, 13/03/2025
Horta haktuir kona ba nia vizita iha Indonesia dalaruma tránzitu deit hela iha Otel, Ambulánsia ida iha liur maibe iha Timor-Leste Presidente la dun preokupa.
“Maibe dalaruma derepente presiza,maibe lorloron apoiu ba ema oioin, funsionáriu no familia sira”.katak Horta
Horta afirma katak sei tau doutor Kubanu na’in rua no mos timoroan balu atu fo konsulta ba sidadaun ne’ebe presiza halo tratamentu
Imajem : Ambulánsia klínika palásiu prezidensial
Diretur Jeral Servisu Ambulansia Emengénsia Médika Simplisio Amaral de Deus hateten koloka ambulánsia ne’e atu tulun komunidade sira ne’ebe hela besik Palasio Presidensial Nicolau Lobato.
“Atu asegura ita nia Presidente da Repúblika ho funsionáriu sira no mos komunidade ne’ebe hela besik Aredores Palasio Presidensial Nicolau Lobato nian mak hanesan Kampu Alor no Bairo Pite Lanut”.Dehan nia
Entertantu, Ambulansia ne’ebe entrega ne’e bazeia ba pedidu husi Xefe Casa Civil, serimonia entrega ne’e akompanha direta hosi Prezidente Repúblika José Ramos Horta, Primeiru Ministru Kayrala Xanana Gusmão no Ministra Saúde Elia A. A. dos Reis Amaral.
Jornalista : Vinsensius Saldanha Morais de Araujo
