SECOOP Planu Aumenta Kooperativa TL Iha 2023
Imajen: Sekretariu Estadu Kooperativa Elizario Ferreira
SAPNewsTL, Dili: Sekretariu Estadu Kooperativa (SECOOP sigla portuges) sei aumenta kooperativa Timor-Leste (TL) husi 117.958 ba 150.000 iha tinan 2023 atu nune’e Timor-Leste iha produtu kualidade.
“Ita iha ona planu atinjimentu ba iha 2030 nian nune’e ita bele aumenta kooperativa husi 117.958 ba rihun 150 ba tinan 2023 nune’e ita bele aumenta mós atual kapitál 36.807.562,21 USD sae ba 75.000.000 iha tinan 2030 nian atu nune’e bele aumenta liu tan kapital membru kooperativa sira nian minimu 250 USD ba kada fulan ida iha tinan 2030 ohin mai”, dehan Sekretária Estadu Kooperativa Elizario Ferreira ba jornalista sira iha Salaun INFORDEPE domingu (19/03/2023).
Sekretária estadu akresenta, Timor-Leste mós iha metas atinjimentu seluk mak hanesan tenke harii sosiedade ne’ebé mak riku ho produtu kualidade hodi sustentavel hodi nune’e bele oferese ba iha merkadu domestiku sira tantu iha rejionál no mós internasionál, komesa ona dezenvolve aktividade lína kreditu nu’udar sai hanesan fonte ida ba asesu funsionariu husi membru kooperativa no populasaun jeralmente ba finanseiru estadu nian atu nune’e bele halao atividade negósiu ne’e ho di’ak no mós ho produtiva ida dignu.
Elizario afirma, Timor-Leste tenke iha ona Banku ida ba kooperativa ida forte no saudavel tuir padraun estabelese ona husi parte BNCTL, iha mos instituisaun seguradora ida forte ba kooperativa sira atu nune’e bele asegura kapitál finanseiru kooperante sira iha futuru, iha mós sistema atendimentu online mak sei asegura di’ak liu tan sirkulasaun nasionál la presiza lori osan direitamente no mós tenke iha institutu profisional ida bele produz rekursu humanu ne’ebé mak kualidade atu nune’e bele asegura servisu kooperativa sira iha fatin hotu-hotu no iha sosiedade atu nune’e ita finansiamentu no ekonómikamente bele sai forte liu tan iha Timor-Leste.
Reportajen: Juvinal Camoes