SEKOMS Kontinua Apoia Mídia Nasional Hamutuk 15
SAPNewsTL, DILI – Sekretáriu Estadu Comunicação Social (SECOMS) Espedito Dias asina nota entendimentu ho média nasionál sira ne’ebe prense ona rekezitu, mídia ne’ebe asina kontratu ne’e hamutuk sanulu resin lima (15).
“Molok atu halo akordu, kria ekipa halo ona levantamentu no halo avaliasaun durante IX nian, ita fo apoiu ba media prense jornal, apoiu ba televisaun privadu sira, fo apoiu ba plataforma sira ne’ebe prense rekezitu sira, nune’e povu bele akompanha situasaun desenvolvimentu nadionál no internasional”. Dehan Sekretario Estado Comunicação Social, Expeditu Dias, ba Jornalista sira iha Palásiu Governu Dili, Sexta (O9/02/2024)
Espedito salienta, jornal ne’ebe media sira distribui ba munisipiu no postu administrativu sira, ekipa sei kontrola katak komunidade sira asesu duni jornal no iha duni vontade hodi lee ka la lee.
“Ami hola dezisaun agora, oinsa atu kontrola la iha ekipa ida atu kontrola bainhira jornal ne’e ba Municipiu no Postu administrativu, iha ne’eba bolu iha tanda trip, se mak simu, ema lee duni ka lae, ne’e ami sei halo avaliasaun”. Espedito informa
Governante ne’e hatutan, Sekretariu Estadu processo administrasaun finansas hotu-hotu liu husi Presidensia Coselho Ministro (PCM), tan ne’e desisaun tomak husi Sekoms maibe processu administrasaun Finansas ne’e PCM mak bele asina kontratu ne’e ba tinan ida.
Avaliasaun ekipa ne’ebe halo levantamentu ba Municipiu sira hatudu katak barak liu povu lee, iha enkontru tekniku ho Direktor ho media nain sira konkorda katak bainhira mak iha avaliasaun seis (6) mezes agora mak jornal ne’ebe la to’o ba povu nia liman mak SEKOMS sei hapara kontratu refere.
Sekretariu Estadu ne’e afirma, Maske goveru deside apoia midia sira, maibe governu sei la interven ba politika redasaun kada media nian no garante independensia midia ida-idak nian ita Timor-Leste.
Midia Nasional sanulu resin lima ne’ebe asina kontratu mak hanesan STL, Timor Post, Dili Post, Independente, Diaria Nasional, TVE Timor, Guadamor TV, LABEH, Lafaek News, Hatutan.com, GMN no seluk tan.
Jornalista : Dircia Belo