Selebra 12 Novembru, FECT-UNTL Realiza Limpeza Jeral No Kuda Ai-Oan

SAPNewsTL, Dili : Assosiasaun Estudantil Akadémiku Fakuldade Enjenhara Siensia no Teknolójia hamutuk ho estudante ativu sira iha sexta-feira ne’e hala’o limpeza jeral iha aredores Fakuldade Enjenharia, Tuir Senadu FECT-UNTL Sergio da Costa haktuir objetivu husi limpeza jeral ne’e hanesan atividade extra ida ne’ebe atu selebra loron nasionál 12 Novembru inklui atu kontribui ba kampus seguru, saudável no moos ba estudante hotu

“Assosiasaun Estudantil FECT-UNTL realiza atividade limpeza jeral ne’e nu’udar parte ida hodi selebra 12 Novembru no partisipa iha atividade extra-kurikuler husi Universidade Nasional Timor Lorosa’e hodi kontribui ba kampus ne’ebe limpu, amigavel, saudável no seguru ba ema hotu”. Dehan Senadu FECT-UNTL Sergio da Costa ba Jornalista SAPNewsTL iha Kampus Hera, 11/11/2022

Presidente Assosiasaun ne’e akresenta, Loron Nasionál 12 Novembru hanesan momentu ne’ebe reflektivu ba estudante sira, juventude sira no Timor oan sira hodi komunga espiritu luta ba ukun rasik an ne’ebe juventude pasadu sira fo ho sira isin lolon to’o mate

Sergio Konsidera Limpeza Jeral importante tebes ba estudante hotu atu hola konsiensia oinsa bele fo fanun ba ema hotu atu proteje ambiente ne’ebe moos no suguru

“Atividade Limpeza Jeral no kuda ai-oan ne’e importante tebes tanba bele fanun ema nia konsiensia hodi buka hatene asegura no kuidade ambiente ne’ebe saudavel no amigavel ba estudante sira hotu iha UNTL”. Nia subliha

Entretantu, atividade limpeza ne’ebe assosiasaun realiza ne’e mos iha ambitu kompetisaun kampus saudável ne’ebe apoiu husi Ministériu Ensinu Superior Siénsia no Kultura ba UNTL, iha ne’ebe Fakuldade sia iha Universidade refere partisipa

Enkuantu, atividade limpeza no kuda ai-oan ne’e partisipa husi Departamentu lima (Departamentu Mekánika, Sivil, Informátika, Eletro no Geologia) iha Fakuldade Enjenhara Siensia no Teknolójia (FECT-UNTL).

Jornalista  : Antonino Dulçio da Costa

Editor         : Ekipa Editorial