Selebra Aniversáriu Ba Dala XXV, FOKUPERS Deteta Violénsia Doméstika Aas Iha TL

SAPNEWS,DILI:  FOKUPERS Selebra nia aniversáriu ba dala XXV ho tema “Familia Saudavel Promove Jéneru”,  Diretora Maria Fatima Guteres hateten  Vitima sira ne’ebe mak ba hela iha uma mahon, sira halo aktividade rotina, hetan kapasitasaun no banhira sira fila fali ba sira nia uma bele hadia sira nia moris

Tuir diretora FOKUPERS Maria Fatima Pereira Guteres hateten  FOKUPERS nia existensia hahu husi 1997  to’o agora tau matan ba iha violasaun humanidade, violénsia kontra feto no violénsia doméstika

ʺBainhira FOKUPERS existe, ami haree liu kona-ba kazu sira, violasaun kontra humanidade liu-liu kontra direitu  feto, momentu iha okupasaun ne’ebe  nia diferensia ho kazu sira ne’ebe hafoin ukun rasik aan, ita haree liu ba iha violénsia doméstika no violénsia sobrevivénsia bazeia ba generu, hahu husi 2020 ita regista kazu hamutuk liu atus rua no iha 2021  FOKUPERS  registo kazu hamutuk atus tolu liu, entaun iha tinan ne’e ita registu kazu hamutuk hitunulu liu ba kazu sira ne’e liga ba  violénsia doméstika ho violénsia bazeia ba genero  no kazu ne’ebe ass liu mak violéncia domestikaʺ. Hateten Diretora FOKUPERS Maria Fatima Guteres ba jornalista sira iha salaun Delta Nova,sexta-feira(15/07/2022)

Diretora ne’e hatutan durante ne’e  organizasaun oioin mak apoiu FOKUPERS hodi halo nia misaun no mos FOKUPERS halo relatória ba Ministériu Solidariedade Sosial no Inkluzaun (MSSI) no Sekretario Estadu no Inkluzaun (SEI).

ʺTo’o momento ne’e ita seidauk iha dadus nasionál liga ho asunto violénsia baseia ba genero no violencia doméstika maibe pontu diak ne’ebe mak ita iha tinan-tinan organizasaun hotu ne’ebe mak servisu ba iha kazu violénsia ita nafatin halo relatório ba Ministériu Solidariedade Sosial no Inkluzaun (MSSI) no Sekretario Estadu no Inkluzaun (SEI) tanba sira  mak instituisaun governu ne’ebe mak haree ba iha pilar protesaun nian”. Dehan nia

Nia akresenta, atividade ne’ebe mak sira hala’o hetan apoio husi União Europeia,MISERIOR, HIVOS  no mos vitima sira ne’ebe mak iha uma mahon sira hanorin kona-ba microimpresa

“Vitima sira ne’ebe mak ba hela iha uma mahon sira laos ba hela iha ne’eba deit maibe sira mos halo aktividade rotina iha uma mahon, entaun informasaun ne’ebe sira presiza hetan hanesan violénsia bazeia ba generu, abilidadde moris no mos kestaun sira ne’ebe emkuadramento legal sira no inklui mos asunto microimpreza nian, entaun, banhira sira fila fali ba sira nia uma, ita mos fo hela ba sira bukae uituan ba sira atu bele hadia sira nia morisʺ. Nia deklara

Iha fatin hanesan Director Geral Social Selling Index (SSI) Florencio Pinha hateten FOKUPERS hanesan organizasaun non governamental ne’ebe mak SSI no MSSI rekonhese hodi tau matan ba vitima sira ne’ebe mak hetan violénsia atravez husi uma mahon

“Fokupers ne’ebe esforsu hodi tau matan ba vitima sira husi Uma mahon no ida ne’e hanesan tipu utilializada ida ne’ebe SSI-MSSI Sira rekunhese no lejítima ona ou aprova ona sira nia utiliza leallidade FOKUPERS kontinua nafatin ba oin hodi tau matan ba vitima sira atravez de Uma mahon, SSI no MSSI nia papel mak alende servisu hamutuk aumesmo tempu reforsa orsamento balu ba fokupers atu bele jere hodi tau matan ba vitima sira, Durante iha sira nia uma mahon”. Hakotu nia

Reporter : Antonio Tilman & Marcela Mery da Costa