Selebra Loron Mundial Hepatitis, MS Sei Lori Tratamentu Hakbesik Ba Povu
SAPNewsTL,DILI : Liu Husi Selebrasaun Loron Mundial Hepatitis Ministra Saude (MS) Maria Odete Freitas hateten Ministériu Saúde sei esforsu nafatin hodi halo tratamentu efetivu ba komunidade Timor-Leste no lori treinamento ba prevensaun moras ne’ebe inflamasaun iha aten boot ho tipu A,B,C,D no E, iha tinan 2022.
“Ami sei nafatin kombate moras aten ne’e ho planu hodi halo tratamentu efetivu liu tan ba komunidade liu husi halo treinamentu moras hepatitis besik liu ba komunidade Timor-Leste ne’ebe agora sai kompromisiu ba ministériu saúde nian hodi asegura saúde diak liu ba povu iha nasaun ida ne’e nian”, Dehan ministra saùde Odete Maria Freitas Belo ba jornalista sira iha Salaun Hotel Timor Dili, tersa (02/08/22).
Minstra hatutan, atu lori tratamentu moras hepatitis besik liu ba komunidade no halakon hepatitis viral nu’udar problema saúde publika iha Timor-Leste tanba moras hepatitis hanesan fallansu iha aten boot ne’ebe nia numeru ne’e aas liu fali HIV no TB
“Ita sente laran-susar tebes tanba moras ida-ne’ebé sei bele prevene no trata, maski iha mundu tomak ema millaun 350 resin mak moris ho hepatitis viral”. Informa MS Maria odete Freitas
Iha Fatin hanesan, Diretor Bernardino da Cruz hatete, sira iha ona ekipamentu teste, tratamentu no prevensaun atu prevene infesaun no salva moris maibé 10% de’it mak hatene katak sira iha hepatitis no besik 80% mak sira seidauk bele asesu maibe sira iha dadus liu husi estudu privalénsia Ministeriu saúde nian
“Estudu prevalénsia hatudu 6.5%, prevalénsia ba hepatitis B iha populasaun jerál maibe ita sei iha dezafiu boot ida atu kontrola hepatitis B no adisionál ba asuntu programátiku sira seluk tanba falta vijilansia rutina, limitasaun ba advokasia no asaun programátiku, limitasaun ba fundu ka laiha fundu dedikadu ba Programa hepatitis iha Orsamentu Nasional.” Diretor dehan
Bernardino informa, iha loron mundial ba hepatitis ida ne’e , sira sei haforsa sira nia kompromisu atu apoia Timor-Leste iha eskala-aas hodi uza ekipamentu efetivu sira kontra hepatitis liuliu halo teste no tratamentu tanba OMS Timor-Leste
“Ita Nafatin iha kompromisu tomak atu aselera esforsu ba eliminasaun, liuhusi haforsa kuidadu saúde primária no kuidadu espesializadu liu ba pasiente sira ne’ebé presiza hodi bele realiza sira nia mehi atu halakon, maibé presiza ema hotu nia serbisu hamutuk hodi halo mehi ne’e sai realidade no ita mos suporta husi OMS ne’ebe oferese oportunidade potensiál ba eliminasaun triple ba HIV, Sifilis no Hepatitis liuhusi rede saúde primária ne’ebé forte ne’ebé eziste iha Timor-Leste”. Nia hakotu
Reporter : Antonio Tilman & Esmeralda Da Silva