Selebra Natál Ho Moris Foun, Guilhermina : Natál La’os Loron 24 & 25 Hatais Ropa Saida

SAPNewsT, Dili : Iha Programa Talk Show ho Madre Guilhermina Marçal haktuir  Natál katak moris foun, Tinan Foun katak esperansa foun, katak ba maromak laiha buat susar, hamutuk ho maromak buat hotu sei la’o diak, ema ida-idak iha relijiaun saida deit buat ida ne’ebe importante mak espiritual, hamutuk selebra natal ho moris foun fuan ne’ebe nakloke no roman foun

Tuir Madre Gulhermina haktuir natal katak loron ne’ebe ema hotu selebra nain Jesus Kristu nia moris, katak ema hotu hodi halo renovasaun ba komprimissiu, aliansa no domin maromak nian ho unidade, hanesan hakerek iha livru jenezis, Kapitulu I, versikulu 1 hateten “Na’i Maromak hakiak mundu, buat hotu mesak furak no kmanek, ne’e duni maromak halo feto no mane tuir nia illas atu bali no ukun didiak balada sira no kmaus sira iha tasi, bee no rai-maran”, tanba desobediensia ne’ebe Adaun no Eva halo, nakfera tiha relasaun entre ita ema ho maromak, no nia impaktu ne’e mai ita ema, tanba ne’e iha livru Ijaias maromak dehan “Feto Klosan ida sei kous mane ida, o sei hanaran nia Emanual, katak maromak horik ho ita, entaun natal ne’e ita hametin hikas relasaun entre ema ho maromak hodi emar hotu bele moris tuir maromak nia hakarak

“Ita prepara ita nia fuan, ita nia laran, inan aman sira prepara oan sira iha vida espiritual no moral nian, Ita Tenki Simu Natál ho moris foun, prepara an simu Nain Jesus Kristu iha ita nia fuan, ita la’os prepara ropa foun, loron 24 no 25 hatais saida, han saida, hatais ne’e selebrasaun exterior ida, buat sira ne’e sekundaria, uluk nanain prepara fuan hodi jesus hetan fatin diak iha ita nia fuan”. Tenik Madre Guilhermina Marçal iha Programa Talk Show ho SAPNewsTL iha nia Rezidiensia Canossa, Dili, 22/12/2022

Madre Guilhermina Marçal akresenta loron natal fo oportunidade ba ema hotu atu fo perdua ba malu, simu malu, rona malu, respeitu malu no hadomi malu hodi hakaas an fila hikas fali ba maromak liu husi hatudu hahalok diak no ajuda ema seluk

“Natal fo mai ita tempu atu hari’i unidade, hadomi malu, perdua malu, tulun malu, perdua malu no fo dame ba malu, ema ida-idak tenki hakaas an fila ba maromak hodi moris tuir maromak nia hakarak, tinan foun 2023 fo mai ita espiritu foun, roman foun, esperansa foun no moris foun, ita la’o hamutuk selebra natal ne’ebe ho haksolok no fuan ne’ebe nakloke katak ba maromak laiha buat ida ne’ebe susar”. Dehan Madre Guilhermina

Enkuantu, Tuir Observasaun Nota katak iha fatin bara iha teritoriu nasional jovens sira halo ona prezipiu hodi selebra loron natal jesus kristu moris mai iha mundu

Jornalista : Antonina Lopes da Silva