Sobrevivente 12N Trizte ! Autoridade Lokal Falta Iha Loron Nasionál
SAPNewsTL, Manatuto : Iha ambitu Komemorasaun Loron Masakre Santa Cruz ba dala XXXII, Sobrevinemte 12 de novembru, Milenio Jeromanu do Carmo Mendes, senti triste, tamba laiha partisipasaun masimu husi Autoriedade Postu Administrativu,Soibada.
Ema hotu hatene katak sira hetan pozisaun hanesan autoridade tamba povu, sira senti katak sira mak lideransa masimu iha aldeia suku no postu, entaun sira iha papel atu kontribui ho sira nia prezensa hodi hafanun espiritu jerasaun kontinuador sira nian.
“Hanesan Foinsa’e ida ne’ebe partisipa iha asaun breve ka manifestasi kontra inimigu sira iha tinan 1991 hodi hamosu masakre Santa cruz, iha momentu ne’eba ami mai ho prinsipiu ida, hakarak kontinua sakrifisiu lutador sira nian, ne’ebe, fo an ba mate hodi liberta povu husi inimigu nia torturasaun”. Hateten Sobrevivente 12 de Novembru, Jeromano do Carmo Mendes, ba SAPnews, hafoin hala’o serimonia despedida ba heroi no heroina sira iha semiteriu rate mean, Domingu (12/11/2023).
Mate restu ne’e salienta, nu’udar Joventude ida ho espiritu hakarak kontribui ba asaun sira ne’ebe halo iha masakre santa cruz, tamba ne’e maka nia dezafia Joventude sira hotu atu liberta povu liu husi kontribuisaun ba paz no estabilidade hodi banati tuir Joventude loriku asu wain sira nia ain fatin
“Ohin loron Timor-Leste (TL) rekoiñese husi mundu internasional hodi hetan ona nia Independensia iha tinan 2002, maibe ami nafatin dezafia imi hotu kontribui ba paz liu husi hahalok individu hodi rona autoridade sira ho karakter pertense”,
“Jovens tenki senti katak Timor nia liberdade la tane deit iha bandeiza maibé liu husi fakar ran ruin naklekar iha tasi foho no mota kuak sira, maka povu Timor hetan liberdade, tamba ne’e husu ba joventude sira tenki iha obrigasaun moral hodi kontribui ba nasaun ida ne’e liu husi hahalok no asaun sira ne’ebe kontrutivu”.
Nia subliña, triste tebes bainhira iha komemorasaun ba tinan signifikadu ida ne’e laiha prezensa husi veteranu, veterana, PNTL, Autoridade Lokal husi suku lima ne’ebe hola parte iha Postu Administrativu Soibada Munisipiu Manatuto, maibe Joventude sira la lakon espiritu hodi organiza eventu ida ne’e maske sira mesak laiha motivasaun husi lutadores, Soibada oan sira
“Sobrevivente ne’e rekorda katak semiteriu rate mean konsagra ona ho sentidu importante ida ne’ebe mai ho simbolu sagradu hodi hato’o ita nia omenajen ba heroi sira ne’ebe mate hodi sosa liberdade ba ukun rasik an, maibe kondisaun rate mean la dignu”.
“Tinan oin ami sei serbisu hamutuk ho autoridade lokal suku lima (5) atu kria kondisaun hodi dezenvolve semiteriu rate mean ho nune’e bele jerasaun foun bele fo omenajen ba heroi sira liu husi historiku ne’ebe marka ona”
Joventude loriku asu wain ne’e promete, nia parte sei kolabora ho autoridade lokal sira, iha Postu administrativu Soibada, no intelektuais sira, atu bele tur hamutuk ho hanoin kontrutivu idealojika, oinsa atu reuni hamutuk hodi fo liman ba malu dignifika semiteriu rate mean, sai fatin historiku ba jerasaun foun.
“Ha’u nia mensajen ba joventude sira imi tenki hadomi imi nia an, tane as sakrifisiu asu wain lutador sira nian, tamba imi mak futuru nasaun nian, imi mak jerasaun kontinuador, imi mak sei hatutan historia liberta patria no liberta povu, sadere imi nia kabas ba malu implementa imi nia matenek iha nasaun Timor-Leste, evita halo problema, desfama ema seluk, hodi kontribui ba paz no estabilidade iha ita nia aldeia suku postu administrativu no rai doben Timor-Leste”
Entertantu, Sobrevinemte ne’e rekomenda ba Ministeiru Joventude Desportu Arte no Kultura (MJDAC) atu kria kondisaun hodi fornese formasaun ba joventude sira iha teritoriu Timor laran tomak, inklui Regiao Administrativu Espesial Oecussi Ambenu (RAEOA) atu hatene sentidu hodi reflete ba loron nasional Joventude no Komemorasaun masakre santa cruz.
Jornalista : Guilhermino Ramos da Cruz