Telemor Sente Previléjiu No Hakarak Sai Operador Númeru 1 Iha TL
Dili, SAPNewsTL : Diretor Jeral Telemor Tran Van Bang hasoru malu ho Presidente da Repúblika hato’o sira nia felizitasaun ba nia eleitu iha segundu turnu, Enkuantu sira mos apresenta ba Presidente da Repúblika kona-ba relatoriu ba atividades ne’ebe telemor halao iha Timor-Leste Durante tinan sanulu ba ninia ezisténsia
Entretantu, Presidente Repúblika apresia tebes ba telemor no hato’o ninia Apoiu tomak atividade hirak ne’ebe maka telemor realiza iha Timor-Leste iha tinan sanulu nia laran.
Iha biban hanesan Presidente da Repúblika hato’o mos nia admirasaun ho Governu Vietnam Laos deit ba Istoria ne’ebe nia iha maibe iha evoluisaun ekonomika no dezenvolvimentu ne’ebe Vietnam hala’o ona durante nia existensia.
Enkuantu, Nia mos hato’o nia suporta ba Vietnam, se hakarak atu mai investe iha Timor-Leste, nia apoiu tomak iha ambitu regional, ambitu Bilateral no mos iha ambitu internasionál, kooperasaun di’ak no forti liu Tan ho Governu Vietnam Laos de’it iha ambitu dijitalizasaun teknológika maibe liu-liu iha ambitu produsaun agrikola. Lia hirak ne’e hatutan husi Protokolu Presidénsia da Repúblika
Entretantu, Diretor Jeral Tran Van Bang senti kontente ho visita ofisial mai hasoru Presidente Republika iha Palásiu Presidente ba dala uluk
“Ami kongratula ba Presidente Ramos Horta ba ninia segunda mandatu nu’udar PR ho nia lideransa sei hadia akresimentu Ekonomia no dezenvolvimentu nasional, nune’e mos durante enkontru ne’e ami relata ba PR kona ba telemor ninia ezistensia durante tinan sanulu iha Timor-Lorosa’e”. tenik Diretor Jeral Tran Van Bang ba Jornalista sira hafoin enkontru ho Presidente da Repúblika iha Palasiu Aitarak-Laran, 11/07/2022
Nia akresenta Depois tinan 10 desde 2012, sira halo mudansa hodi hadia telekomunikasaun iha Timor-Leste, sira promove dezenvolvimentu teknolojia hadia Moris sosial no atendimentu telekomunikasaun sira sente privilejiu no hakarak sai numeru ida operador telekomunikasaun iha Timor-Leste.
“Ami ko’alia ho Presidente Republika kona ba vizaun no estratejia ba tinan hirak tuir mai atu hasai kualidade Lina internet no data internet, ami mos halo ona planu governu nian mak sei dada kabu submarinu no telemor mos planu atu introduz teknolojia 5G no koneksaun broadband iha Timor Leste”. Dehan Diretor Jeral Tran Van Bang
Enkuantu, sira mos koalia ho Presidente Repúblika kona ba dijitalizasaun ne’ebe mak sai hanesan pakote importante husi Telemor iha finansas atu iha aselera prosessu dezenvolvimentu iha Timor-Leste.
Jornalista : Aquelina Magalhães
Editor : SAPNewsTL