UDT, PUDD & Frente Mudansa Preparadu Simu Desizaun Enfrenta Eleisaun Parlamentar
![](https://sapnewstl.com/wp-content/uploads/2023/01/FM-UDT-PUDD.jpg)
Imajen Intervista Presidente Partidu Frente Mudansa Ricardo Nheu, iha Palasio presidensial Nicolau Lobato Bairo-Pite Quarta feira ne’e 25/01/23)
SAPNewsTL (Dili) : Iha loron Quarta feira ne’e foin lailais ne’e partido tolu (3) hanesan Partidu União Democrata Timorense (UDT), Partido Unidade Desenvolvimentu Democratico (PUDD) no Frente Mudansa (FM)), hasoru malu ho Presidente Da Republika Jose Ramos Horta Hodi koalia kona Markasaun Data ba Eleisaun Parlamentar iha Tinan ida ne’e.
Hafoin sorumutu ho Presidente Da Republika Presidente Partidu UDT Francisco David hateten UDT prontu simu Desizaun husi Presidente Da Republika.
“Tuir konstituisaun Republika iha artigu 86 alinea c, hateten kompetensia tomak ba Xefe Estado nian, hodi dekreta data ba Eleisaun Parlamentar, ho ida ne’e mak UDT prontu no sei submete deit ba desizaun ne’ebe Xefe Estado sei fo sai”.(dehan Presidente Partidu UDT iha Palasio presidensial Nicolau Lobato Bairo-Pite Quarta feira ne’e 25/01/23)
Tuir UDT laiha tan pozisaun ruma relasiona ona ho kompetensia xefe Estadu nian hodi dekreta data ba Eleisaun, tanba ne’e UDT sei halo tuir deit desizaun Xefe Estado nian tanba xefe estadu nia desizaun hanesan mos UDT nia desizaun.
“UDT nia preparasaun ba Eleisaun Parlamentar 2023 masimu hahu husi baze no UDT Laiha Hanoin atu halo koligasaun pre-eleitoral”.( afirma nia)
Iha Fatin hanesan, Presidente Partidu Frente Mudansa Ricardo Nheu deklara kona ba Markasaun Data ba Eleisaun Parlamentar ne’e kompetensia tomak Xefe Estadu nian, Frente Mudansa prontu atu partisipa no Frente Mudansa sei submete.
“Frente Mudansa prontu iha kualker tempu atu hasoru Eleisaun Parlamentar 2023 tuir data ne’ebe Xefe Estado Sei dekreta”.(dehan Presidente Partidu Frente Mudansa iha Palasio presidensial Nicolau Lobato Bairo-Pite Quarta feira ne’e)
Tuir Nia Xefe Estado dekreta loron Eleisaun Parlamentar mak Frente Mudansa foin deside atu iha koligasaun pre-eleitoral ka lae, tanba ida ne’e interna Partidu.
Aleinde ida ne’e, Presidente Partidu PUDD, Silvestre Sufa hateten PUDD prontu hein deit bainhira maka Eleisaun tuir loron neebe Xefe Estado dekreta.
“PUDD nia preparasaun klaru ona hahu kedas iha tinan 2021 tanba Partidu politiku nia servisu iha buat rua, ida mak servisu diario no seluk maka servisu politiku. PUDD lor-loron La’o hela tanba ne’e prontu ona atu infrenta Eleisaun iha kualker momentu bainhira xefe estado dekreta loron Eleisaun”.( Dehan Presidente Partidu PUDD hafoin sorumutu ho Presidente Da)
Enkuantu tuir Presidente PUDD kona ba koligasaun pre-eleitoral, PUDD seidauk hanoin tanba koligasaun ne’e depende ba konsensus Partidu politiku sira nian.
Jornalista : Vinsensius saldanha Morais De Araujo