Falur Alerta Ba Joven Sira Kuidadu Aan & Prepara Ba Futuru

SAPNewsTL, Dili : hafoin sorumutu ho Presidente Republika Jose Ramos Horta, Xefe Estadu Maior Jeneral Falintil Forsa Defeza De Timor Leste (F-FDTL) Tanente Jeneral Falur Rate Laek hateten Militar sira labele Envolve iha servisu sira ne’ebe seguransa ninian.

Lia hirak ne’e hato’o Husi xefe estado Maior Jeneral Falintil forsa Defeza De Timor Leste(FFDTL) Tanente Jeneral Falur Rate Laek hafoin sorumutu ho Presidente Da Republika Jose Ramos Horta iha Palasio presidensial Nicolau Lobato Bairo-Pite Quinta feira ne’e

“Ha’u apelo ba forsa Militar hotu-hotu para labele involve iha servisu seguransa ninian, sira tenki hadok an tuir ha’u nia Diretiva. Ha’u nia Diretiva ne’e katak Militar sei latama to’o iha situasaun de seguransa”. ( dehan Xefe Estado Maior Jeneral FFDTL Tanente Jeneral Falur Rate Laek iha Palasio presidensial Nicolau Lobato Bairo-Pite Quinta feira nee 26/01/23)

Tuir Falur,Kona ba situasaun partikular forsa nian ne’ebe rekrutamentu agora iha ona ultima faze ne’ebe durante semana ida iha ai laran halo buat hotu sira la han la haris, la hemu, sira fo sakrifisiu makas hein deit para jura ba Bandeira.

Aleinde ida ne’e ligadu ho konfruntu ne’ebe akontese iha Dili, Xefe Estado Maior Jeneral Falur Rate Laek husu Joventude prepara aan hodi halo servisu professionais

“Estuda didiak para konkista, se mak hakarak ba Jornalista, se mak funsionariu, se mak ba emprezariu, se mak hakarak ba seguransa, no se Mak hakarak ba defeza, ne’e tenki halo Diak para o nia meritu pesoal ne’e ema halo avaliasaun ne’e Diak,( Esplika Xefe Estado Maior Jeneral Falur Rate Laek)

Entertanto Falur husu ba Joventude atu kuidadu aan no labele halo krimi hodi estraga futuru tanba wainhira halo krimi ona maka kolokadu ona iha data de baze ba teste no halo buat ruma la Liu tanba Lei no regra.

Jornalista : Vinsensius saldanha Morais De Araujo