UNE-TL Partispa Desiminasaun Chega, Hugu Husu Juventude To’o Ona Ho Hahalok Aat

SAPNewsTL,Dili: Centru Nacional Chega,Instituto Público (CNC. IP), hala’o desiminasaun ba relatóriu Chega no Comissão Verdade e Amizade (CVA) ba Eskuteiru na’in atus ida (100) husi Uniaun Nasionál Eskuteiru Timor Leste (UNE-TL).

Iha diskursu, Diretór Ezekutivu Centru Nacional Chega, Hugo Maria Fernandes haktuir,  CNC ne’e Instutu Públiku hanesan ho liña Ministeriál sira seluk, karik imi mai to’o ona CNC, imi hatene ona Comissão  de Acolhimento Verdade e Reconciliação (CAVR), no CVA iha Timor no Indonézia.

“Chega ne’e uza Portugés, hanesan hotu-hotu hatene katak to’o ona, ne’e katak bainhira ita nia inan aman sira, ita nia avo sira nia partisipasaun iha luta ida ne’e, to’o ita ukun an sira liu bara-barak, terus sofrimentu oi-oin, to’o mai ukun an ne’e sira dehan, ba oin to’o ona ho hahalok a’at sira ne’e”. Dehan Direktór Ezekutivu Centru Nacional Chega,Hugo Maria Fernandes iha salaun CNC, Antigu Komarka, Balide,  Sábadu,24/09/2022.

Diretór Ezekutivu ne’e husu ba  hotu-hotu ne’ebé mak iha rai ida ne’e, foti sira nia lian, hodi louva sira nia mensajen ba jerasaun foun ne’ebé ba oin ne’e labele sai fali autór ba violensia.

“Timor ho nia pasadu moris nakukun ne’e husik ona de’it ba sira, nune’e ita labele kontinua ho ida ne’e,tanba ne’e sira dehan buat hotu-hotu to’o ona, ita nia responsabilidade mak tane nafatin sira, maneira ida ne’e nu’udar lala’ok ida atu oinsá ida-idak ne’ebé agora iha rai ida ne’e dignifika sira, fó onra ba sira, fó respeitu ba sira, hodi sira nia sofrimentu sira ne’e ba hotu de’it iha sira nia tempu, maibé hotu-hotu fó nafatin valor ba sira”. Tenik Direktor

Hugo hatutan,  CNC agradese tebes ba UNE-TL Munisípiu Dili nian TL ne’ebé ho vontade di’ak hodi aprende no la’o tuir mensajen iha historia sira ne’ebé mak haree iha CNC ne’ebé nu’udár fatin históriku ida ne’ebé harii iha tempu kolonizasaun Português ne’ebé bainhira funu hahú iha 1975 ne’e prizaun dezde 1973. 

Iha fatin hanesan, Prezidente UNE-TL Munisípiu Dili, António da Luz hateten, UNE-TL hanesan organizasaun independente ida ne’ebé mak eziste iha Timor Leste no hola parte mós iha Eskuteiru mundiál.

“UNE-TL ne’e sai ona Organizasaun Mundiál ho ninia atividade ne’ebé hala’o iha nasionál, ho nune’e UNE-TL eziste hodi bele fó formasaun ba joven sira, hodi hasa’e sira nia kuñesimentu ne’ebé iha sosiedade nia le’et”.  Prezidente ne’e informa

Prezidente ne’e fundamenta, nia sente kontente no orgullu ho aktividade ida ne’e tanba bele hanoin fila fali istoria Timor nian ne’ebé uluk heroi sira luta ba ukun an.

“Ohin Primeira vez partisipa iha atividade ne’e, sente kontente no ha’u rasik mós sente kontente no orgullu teb-tebes ho programa ida ne’e, tanba programa ne’e fo hanoin ba ita atu oinsá ita relembra fila fali historia Timor nian ba luta ukun rasik an”. Nia salienta

Entretantu, nia salienta partipasaun UNE-TL ba akjtividade diseminasaun informasaun Centro Chega Nacional.IP (CNC.IP) nian ne’e hamutuk atus ida.

Jornalista: João Marito

Editor: Luis Pailofo