![UNTL Realiza Semana Akadémika, Estudante Produz Motor Roda Tolu UNTL Realiza Semana Akadémika, Estudante Produz Motor Roda Tolu](https://sapnewstl.com/wp-content/uploads/2023/07/IMG-20230719-WA0000.jpg)
UNTL Realiza Semana Akadémika, Estudante Produz Motor Roda Tolu
SAPNewsTL, Dili : Universidade Nasionàl Timor Lorosa’e (UNTL) realiza Semana Akadémika ba Estudante Sira husi Fakuldade Sia Iha UNTL, Vise Reitora Asuntu Estudantil UNTL Lígia Tomas Correia haktuir, Semana Akadémika nu’udar espasu ba Estudante Sira hodi apresenta sira nia kreatividade no promove sira nia Kapasidade ida-idak nian
“Semana Akadémika ne’e hanesan fo oportunidade no espasu ba estudante sira, Nune’e Estudante Sira bele Aprensenta Sira Nia kreatividade, Potensialidade, Talentu, Abilidade no produtividade sira ba públiku liu husi semana Akadémika ne’e” . Tenik Vise Reitora Asuntu Estudantil UNTL Lígia Tomas Correia ba SAP News TL iha nia Knaar Fatin Kampus Sentral UNTL, 18/07/2023
![](https://sapnewstl.com/wp-content/uploads/2023/07/IMG-20230718-WA0008-1-650x399.jpg)
Kreatividade sira ne’ebe Estudante Sira apresenta iha Feira Akadémika loron dahuluk ne’e mak Hánesan Estudante Fakuldade Engenharia Ciensia no Teknolojia UNTL ne’ebe Produz Motor, Kilat, Sistema Kontrolu eletrónika no Mekánika Sira, rezultadu peskija monografia, livru sira, roupa Sira, Taís Sira no seluk tan
Liderança Feto Iha UNTL ne’e akresenta, semana akademika ida ne’e atu enkoraja estudante sira hodi desenvolve diak liu tan sira nia Kunhesimentu Sientífika liliu iha Diskursu Públiku, Debate Públiku no Hakerek Artigu Sientífiku
![](https://sapnewstl.com/wp-content/uploads/2023/07/IMG-20230719-WA0002-650x424.jpg)
“Semana Akadémika ne’e ita mos realiza kompetisaun Diskursu Públiku, Debate Públiku no Hakerek Artigu Sientífiku, Iha ne’ebe Ami Hahú ho fo Formasaun ba sira, molok tama iha kompetisaun”. Nia dehan
Kona ba Jovens talentos, UNTL mos loke Torneiu Deportivu ne’ebe ho modalidade sira Hánesan Voleibol Mane no Feto, Futsal Feto no Mane, Basketball Mane no Feto, jogu tolu ne’e Partisipa husi Estudante Sira iha Fakuldade Sia iha UNTL”. nia hatete
Iha Parte Seluk, Iha Âmbitu Semana Akadémika ne’e, UNTL mos transmite no divulga ba Estudante Sira kona ba Bolsa Interna no Externa ne’ebe Parseiru sira oferese ba UNTL Hánesan Instituto Camões, Osaca Gas no rua seluk
![](https://sapnewstl.com/wp-content/uploads/2023/07/IMG-20230719-WA0001-650x428.jpg)
Enkuantu, Semana Akadémika ne’e semana ne’ebe mak tuir kalendariu akademika iha tempu ne’ebe mak ba estudante sira,depois sira finaliza sira nia exame ba semestre impar entre dia 17 to’o 31 Jullu hodi estudante sira bele Aprensenta sira nia kreatividade no promove sira nia Kapasidade sientífika
Eventu Semana Akadémika ne’e Organiza husi Gabinete Vise Reitora ba estudante hamutuk ho Vise Dekanu no Senadu sira fakuldade nian Inklui kolabora ho estudante sira no funsionariu sira iha UNTL
Jornalista: Esmeralda da Silva