XARA Hasoru PR Horta, Kolibere : Defende Konstituisaun No Lori Xanana Ba PM
SAPNewsTL, Dili: Presidente XARA Lukas Soares Kolibere ho Sekretario Geral UMDP Ricardo hasoru malu ho Presidente da Repúblika Dr. José Ramos Horta iha Palasio Presidensial Nicolau Lobato, Objetivu husi hasoru malu ida ne’e koalia kona ba preparasaun ba Eleisaun Parlamentar Tinan 2023.
“Ami mai hasoru malu ho Presidente da Repúblika atu fo Parabens ba excelénsia Presidente da Repúblika ne’ebe manan iha Eleisaun Presidensial no programa balu que atu hato’o ba Presidente kona ba preparasaun ba Eleisaun Parlamentar tinan oin”. Tenik Presidente Xara Lukas Soares Kolibere ba Jornalista sira iha Palásiu Presidente Aitarak-Laran, 11/07/2022
Tuir Presidente XARA, XARA existe atu defende konstituisaun no lori Xanana Gusmão ba Primeiru Ministru
“Tuir ita nia lei partidu polítiku katak defende konstituisaun, defende povo nia Direitu, defende povu nia moris diak, garante sustentabilidade ba nasaun no povo nia moris. XARA nia posisaun hamutuk ho UMDP fo apoiu 50% ba PR ne’ebe manan tiha ona, no 50% agora atu lori ba Palácio do Governo Mak Maun boot Kay Rala Xanana tanba ne’e mak ami tau XARA atu buka forsa politika hotu atu bele oinsa tau hamutuk Xanana ho Ramos Horta hodi lori povo no nasaun la’o ba oin”.(tenik Nia)
Entretantu, Presidente Xara Lukas Soares Kolibere ne’e afirma XARA sei Servisu hamutuk ho UMDP ho Entidades politikas sira hotu no mos forsas politikas XARA nian.
“XARA ho UMDP oinsa mak atu Servisu hamutuk ho Entidades politikas sira hotu lider polikus sira hotu iha Eleisaun Parlamentar mai ne’e, ita bele hamutuk Internus politikus ita bele hamutuk para resolve povo no nasaun ne’e”. Nia hakotu
Jornalista : Vinsensius Morais Araujo
Editor : SAPNewsTL