MOKATIL Parabeniza PR Horta, Helio Husu PR Defende Povu Kbiit Laek
SAPNewsTL, Dili: Movimentu Kamponezes Timor-Leste (MOKATIL) hato’o parabens ba Prezidente da Repúblika (PR) Dr. José Ramos Horta ne’ebe asumi tan mandatu ba daruak nia, iha reuniaun MOKATIL ko’alia kona-ba sira nia kompozisaun estrutura, funsionamentu orgánika no mos hato’o sira nia preokupasaun ba Prezidente da Repúblika
“Sorumutu ida ne’e atu reafirma fali ami nia pozisaun politika ba ita nia Na’i Prezidente da Repúblika (PR) ne’ebe uluk ami hatudu iha tinan kotuk 2020 ne’ebe mak ami hala’o iha sentru formasaun Munisípiu Aileu, ami hato’o prosesu ne’ebe durante ne’e la’o no mos ninia dezafius sira,”. Dehan Prezidente Movimentu kamponezas Timor-Leste (MOKATIL), Helio Dias da Silva, ba Jornalista iha Palasiu prezidensial, segunda foin lailais ne’e (11/07/2022).
Entretantu, MOKATIL husu Prezidente da Repúblika atu nafatin firmi hodi defende ba iha povu kbiit laek sira iha area rurais ne’ebe moris husi vida agrikulta, Enkuantu sira mos husu Prezidente da Repúblika nia disponiblidade atu halo intervensaun politika iha Munispiu Aileu
“Ami mos rona katak PR sei buka dalan oinsa atu apoiu programa ne’e, sei partisipa mos husi nasaun 82 organizasaun kamponezas ne’ebe mak iha nasaun liur hamutuk 180 resin ne’ebe delega representante mai iha Timor-Leste”. tenik nia.
Entretantu MOKATIL afirma sei apoiu nafatin politika Prezidente da Repúblika nian liuliu kona ba hasa’e no haforsa ekonomia komponezes iha Timor-Leste. MOKATIL hato’o sira nia preokuasaun kona-ba edifisiu ne’ebe mak uluk dezenvolve hanaran Kabe Knua Buka Hatene (KKBH) ne’ebe hetan notifikasaun ne’ebe ladun justu
“Ohin loron sentru formasaun KKBH hetan presaun husi guvernu, liu husi notifikasaun ne’ebe mak ba, uza Polisia, Veteranus, Pesoal balu ne’ebe poder forsa no Politika, tanba ne’e mak sira mai hato’o ba Na’i Prezidente da Repúblika no espera ba oin sei iha solusaun lalais husi parte guvernu no instituisaun relevantes sira hanesan Ministeriu da Justisa (MJ) no Terras de Propiedades (TP)”. Dehan nia
Enkuantu, Kabe Knua Buka Hatene (KKBH) loke kursu gratuita ba komunidade sira hanesan Lian Ingles, Portugés no Kursu Kompuator.
Jornalista: Antonio Altamirando & Aquilina Taec