UE Apresenta Relatóriu Ba CNE, José : Votasaun Sistema Paralelu Presiza Hadia
SAPNewsTL, Dili : Delegasaun Misaun Observasaun Eletoral União Europeia hasoru malu ho Presidente Comição Nasional Eleição(CNE) José Agustinho Belo apresenta relatoriu observasaun Eleitoral 2022 no apresenta rekomendasaun sira ba Eleisaun tuir mai.
Presidente CNE José Agustinho Belo hateten observador Nasionais no Internasionais liu husi união Europeia durante Eleisaun Presidensial sira mai observa no sira mai entrega sira nia rezultadu observasaun Elisaun primera volta no segunda volta
“Pontus sira ne’e ba ita importante tebes, Rekomendasõens ida mak kona ba difisiénsia sira iha possibilidade komesa ona introduz buat ida naran votasaun sistema blarier atu nune’e sidadaun difisiensia matan sira bele tuir, Segundu kona ba direitu de atensaun, ita tenki haree oras sira ne’e no minitu atu nune’e fo biban ba ema hotu-hotu liuliu kandidatu sira ne’ebe atu partisipa”.Dehan Presidente CNE José Agustinho Belo, Ba Jornalista sira iha Salaun CNE Colmera, Dili(12/07/2022).
Presidente CNE ne’e hatutan organizasaun sentru votasaun liliu sistema paralelu ne’e diak ona maibe presija hadia nia mekanismu ho implementasaun para la bele iha preparasaun ne’ebe naruk.
Entretantu, Presidente CNE José Agustinho Belo akresenta kona ba eleisaun iha exterior fatin balu ne’ebe presija iha parte CNE, depois de reuniaun ho Presidente Repúblika iha posibilidade para fatin balu laos deit iha Inglaterra no Portugal maibe iha fatin seluk ne’ebe konsentra Timor oan barak presija haree para fasilita sira atu partesipa ho diak.
“Ita komesa ona introduz sistema viométriku ita ko’alia ho Governo Parlamentu para bele evita buat ida dupla ka ema ne’ebe rejistu dupla ou ema ne’ebe mate, nune’e aban bainrua ita labele iha problema kona ba baze de dadus maibe ita mos hatudu ba rai seluk ita preparadu, Timor tenki sai ezemplu iha demokrasia liliu iha nivel Asia”. Hatutan nia
Nia Reforsa, Eleisaun iha tinan oin la’os deit Legislativu maibe eleisaun munisipal mos sei mosu iha mos eleisaun suku ne’ebe sei iha entaun CNE ho ogaun eletoral servisu makaas no preparasaun ne’ebe diak ho instuitisaun hotu hodi resulta eleisaun ida ne’ebe diak
“Rekomendasaun sira ne’e importante ba ita no sira mai husi liur sira la iha interese buat ida sira hakarak deit oinsa funsionamentu demokrasia ne’ebe saudavel, Liliu ba osamentu uza ba kampanha presija haree ninia pontus ne’e lolos mai husi ne’ebe, atu halo saida, se mak apoiu atu nune’e transparente ne’e iha”. Nia sublinha
Enkuantu, Presidente CNE José Agustinho Belo hakaraka Nasaun ki’ik hanesan Timor tenki abitua sai kultura ida transparansia hanesan nasaun ida, Aprende ho situasaun sira liu ba hanesan iha Afrika, iha Rai barak ne’ebe problema maibe Timor konsege introdus demokrasia ho diak;
Jornalista : Justino De Jesus Soriano
Editor : SAPNewsTL