Funsionáriu Kontratadu Hahú 2013 Seidauk Permanente, Fretilin Husu Guvernu Regulariza
SAPNewsTL, Dili : Deputada Bankada Fretilin Lidia Norberta husu Governu no Miniterio Solidariedade Sosial atu regulariza Funsionáriu kontratadu sira iha teritóriu Nasionál ne’ebe hahú servisu husi 2013 hodi sai hanesan funsionariu permanente
Deputada Lidia Norberta kestiona funsionáriu kontratadu husi ministériu solidaridade social ne’ebe hahú servisu husi 2013 to’o mai agora seidauk sai Permanente
“Funsionáriu kontratadu husi Solidaridade Social ne’e, sira hahú servisu husi 2013 to’o mai agora laos iha Dili deit maibe iha nivel munisipiu sira hotu to’o agora sira nia situasaun ne’e seidauk regulariza ba iha permanente”. Dehan Deputada Bankada Fretilin Lidia Norberta iha uma Fukun Parlamentu Nasional, 12/07/2022
Deputada Lidia Norberta husu Ministériu Solidaridade Sosial tau matan tanba ne’e forsa trabalhador sira nian
“Institutu Seguransa Sosial nian ita persija regulariza forsa trabalhador sira nian bele ezekuta duni servisu sira ne’ebe mak durante ne’e ita aprova hela.”hakotu nia.
Jornalista : Lidia Amaral