𝗚𝗼𝘃𝗲𝗿𝗻𝘂 𝗦𝗲i Halo 𝗘𝘀𝘁𝗿𝗮𝗱𝗮 𝗗𝗶𝗿𝗲𝘀𝗮𝘂𝗻 𝗟𝗮𝘂𝘁𝗲𝗺 & 𝗖𝗼𝗺 𝗕𝗮 𝗟𝗼𝘀𝗽𝗮𝗹𝗼𝘀
Imagem : Primeiru-Ministru Kay Rala Xanana Gusmão partisipa serimónia lansamentu estrada diresaun Lautém no Com ba Lospalos Villa iha Lospalos, 31/10/2025.
SAP NewsTL, Lautém : Primeiru Ministru Kay Rala Xanana Gusmão asina akordu importante ho kompanhia rua atu foti infrastrutura bazika iha Timor-Leste, inklui estrada, bee no eletrisidade. Akordu nee fó prioridade ba munisípiu sira hanesan Lautém, ne’ebé presiza atensaun ba servisu publiku sira.
Daniel da Silva – Mídia Sapnews
“Ami mai atu haree no hatene problema sira ne’ebé povu enfrenta. Ami buka solusaun atu bele ajuda povu hodi sai husi moris susar”. Hateten Primeiru-Ministru Kay Rala Xanana Gusmão iha Lospalos 31/10/2025.
Governu fó prioridade ba estrada, bee-moos no eletrisidade tanba ida ne’e mak baze ba dezenvolvimentu. Iha fatin barak la’os iha munisípiu Lautém de’it mak seidauk asesu ba estrada no bee-moos maibé iha fatin seluk povu barak mós mak seidauk asesu.
Infrastrutura bazika nu’udar baze ba dezenvolvimentu, bele loke oportunidade ba komunidade, inklui servisu, eskola no asesu ba informasaun. Governu husu kolaborasaun komunidade atu lori dezenvolvimentu ida ne’e ba oin, estrada nasionál no estrada rejionál nian, estrada lokal no mos estrada aldeia hotu-hotu.
Katuas ho ferik sira imi mak heroís ba ita-nia libertasaun. Tanba ida ne’e mak asina iha imi nia oin ne’e husu responsabilidade ba kompania sira atu halo ho kualidade.
“Ohin ita mai hamutuk iha ne’e atu tau hamutuk hanoin tanba atu halo buat barak ne’e hotu la’os ba ema ida de’it maibé ba ema hotu tau hanoin hamutuk hodi dezenvolve rai ne’e”.
Joven sira buka aprende, buka mós hodi partisipa no estuda maibé mós labele husu ba estadu saida mak estadu atu fo ba imi, husu ba imi nia aan, saida mak imi bele fo ba rai no povu ida ne’e.
“Tinan oin mai ha’u sei la’o Timor tomak ko’alia ho imi hanesan ha’u ko’alia iha 2010 hodi hasa’e planu estratéjiku ba dezenvolvimentu iha ne’ebá tau tiha ona katak infraestrutura mak baze ba dezenvolvimentu”.
Joven sira husi tutuala mos koalia atu kuida ita-nia tasi, tanba ita mos atu ba ekonomia azul, prepara uma rasik ho tein, nune’e ema mai han karik senti di’ak no kapas.
“Ne’e mak ita bele dada turista sira mai hodi tau osan maibé la’os tau osan ba governu, maibé tau osan ba komunidade rasik. Kuandu ita atende ho di’ak ema mai barak komunidade mak sei hetan benefisiu”.
Xefe Governu dasia ne’e lansa ona estrada diresaun Lospalos ba Com no Lautem ba Lospalos Villa.