Austrália Apoia TL $ 105,7 Millaun, MOP Aprova Projetu Ne’en Inklui Estrada Maliana
SAPNewsTL, Dili: Ministériu Obras Públicas (MOP) Abel Pires marka presensa iha diálogu ba kooperasaun reforsa desenvolvimentu entre Timor-Leste no Austrália, Iha Intrevista Ministru Abel Piras hateten guvernu aprova ona projeto ne’en ne’ebe tama ona ba fundu infraestrutura inklui projetu balu sei hahu nia processu aprovizionamentu
Tuir Ministériu Obras Públikas Abel Pires, katak sira aprova ona projetu ne’en ne’ebé inklui projetu urbana Maliana Villa no Sarlala inklui mos estrada Kasnafar ne’ebé mak naksobu.
“Horseik ami aprova projeto ne’en, pakote rua estrada urbana Maliana Villa, ida mak estrada Sarlala parte leten, ne’e porvolta 8 km, inklui Estrada Lesi-Butak husi mota Kasnafar mai to’o Manleu aprova ona como la liu husi komisõens entaun bele ba direitamenta aprovijonamentu”. Dehan MOP Abel Pires ba Jornalista sira iha Ministériu Finansas Ai-tarak laran Dili, Kinta-Feira, (04/08/2022)
Governante ne’e garante sei halais ninia prosesu aprovizionamentu no garante bele finaliza iha tinan ida ne’e, Entretantu, Estrada Maliana Villa total 25 km no projeto ne’e konkorda ona iha fundos das infraestrutura
“Horseik deside kedas tipu de aprovijonamentu sei halo lais no halo intervensaun dentru tinan ida ne’e, Estrada iha Maliana ne’e bo’ot pakote ida 16.000 milhões, pakote ida fali 20 ital, total 25 km ne’e iha Maliana Villa. Ida Sarlala ne’e la to’o 5 Km tau aspal, iha parte leten tun mai air terjun ne’e la to’o 5 km, ida Fatolu ne’e la to’o 5.5 milhões, horseik ami konkorda hotu fundus das infraestrutura maibé se ita haree iha tan mak bele lori fali mai liña Ministeriu Obras Públicas”. Nia Subliña
Nia hatutan, projetu ne’en ne’e agora tama ona ba aprovijonamentu sei realiza iha tinan ne’e, enkuantu bainhira konstrusaun hotu sei prepara ba manutensaun ba dalan nasional sira.
“Agora tama iha prosesu aprovijionamentu hein katak fulan ida ne’e aprovijionamentu bele remata, importante mak antes udan projetu sira ne’e bele remata, projetu ida estrada área urbana mak sei kleur tanba ne’e projetu bo’ot mas Kasnafar nian to’o Sarlala ne’e tenke dentro tinan ida ne’e atu hadia, teknikamente sira halo ona preparasaun, depois de konstrusaun ita halo manutensaun, agora dadaun ami prepara manutensaun ba dalan estrada iha nasional para udan karik ita ladun preokupa”. Nia hakotu.
Enkuantu, iha tinan 2022-2023 orsamentu asisténsia dezenvolvimentu husi Asutrália ba Timor-Leste hamutuk millaun 105,7 hodi investe iha area estratégiku sir aba futuru
Jornalisata : Marcela Merry da Costa & Aquelina Taec
Editor : Luis dos Santos