MOP & SEEBS Lansa Konstrusaun Sub-Estasaun Foun Iha Likisa

SAPNewsTL, Likisa : Durante lansa primeira pedra ba linha eletrisidade, Ministru Obras Públikas (MOP), Samuel Marçal hatete, Governu liu-husi EDTL, E.P sei aselera projetu konstrusaun sub-estasaun foun inklui projetu dizitalizasaun sistema, nune’e bele fasilita tékniku sira halo intervensaun ho lalais bainhira akontese avaria.

Ministro obras publiko Samuel Marcal haktuir ohin halo Lansamentu ba aumenta tan energia linha eletrisidade tanba portu boot prezisa energia makaas.

“Ohin halo Lansamentu ba aumenta tan energia linha eletrisidade tanba portu boot prezisa energia no atu ajuda halo abtensaun ida iha Likisa Kamea, Tinan oin ita sei halo tan sub-estasaun ida Comoro mos ho digatilisaun n’ee para ita bele kontrola ita nia ahi diak liu tan,” Dehan MOP Samuel Marçal iha Likisa, 07/12/2023

Ministru ne’e hatutan, “Orsamentu governu mak fo total osan milliaun 3.5 ba kompanha, tuir kalendáriu ne”ebe masimu fulan neen bele remata,ita aumenta ida ne’e fasilita mos ba Pelican Paradise ita prezisa ida ne’e para ajuda mos ba comoro nian hodi aumenta energia tanba sub-estasaun ne’ebe iha ladun to’o, ba oin ita sei tau mos sub estasaun ba munisipiu sira”. Nia sublinha

Iha fatin hanesan, Secretáriu Estadu Eletrisidade, Be’e no Saneamentu (SEEBS), Santos Noronha hatutan, projetu instalasaun transformador foun refere importante tebes hodi antisipa demanda enerjia ne’ebe aumenta.

“Projetu instalasaun transformador foun ne’e importante hodi hodi antisipa demanda ba enerjia ne’ebé aumenta tanba ne’e, guvernu husu kompaña atu implementa projetu refere ho kualidade tuir espesifikasaun no durasaun tempu bazea ba kontratu.” SEEBS Santos Noronha afrima

Tuir planu transformador foun sei atende espesialmente nesesidade Timor Port nian, sei fornese enerjia liu-husi feeder espesial rua (Feeder 3 no Feeder 5).

transformador 20MVA existente ne’ebé durante ne’e fornese enerjia ba públiku inklui Timor Port, EDTL, E.P sei halo mudansa karga husi transformador refere hodi fornese enerjia electrica ba deit kliente Públiku (kliente doméstiku, komersial, Governu no agência Internacional sira).

Sekretariu Estadu akresenta, “governu halo lansamentu ne’ebe mak agora ita halo Ita konsidera katak importante teb-tebes tanba ita hotu hatene katak demanda ne’ebe mak iha karga ne’ebe iha sub-estasaun Likisa ne’e sa’e atingi kuaze 80% entaun falta 30% mak free”.

“Antesipadamente ita tenki aumenta karga ne’be maka iha husi 20 megafort ita aumenta tan 20 para sai 40 megafort, nune’e ita bele antisipa ona demanda ne’be mak iha,agora dadauk konsumidores ne’ebe maka liu husi nia fider 3 ho 5 ne’e sa’e makas liliu ba portu tibar nian, karik ida ne’e ita la antisipa konserteja bele iha risku ba ita nia energia bele la sufisiente”. Nia informa

Enkuantu, iha serimonia lansamentu primeira pedra ne’e partisipa husi Ministru Obras Públikas, Secretáriu Estadu Eletrisidade, Be’e no Saneamentu (SEEBS), autoriedade lokal sira no komunidade sira iha Likisa

Jornalista : Ermelinda Soares