Konstrusaun Provizoriu RTTL, EP. Kompanha Banir Lema Sei Finaliza Iha Fulan Neen Mai

SAPNewsTL, (Díli) – Ministru Asuntu Parlamentar no Komunikasaun Social (MAPKOMS ) ofisialmente asina kontratu ho kompania Banir Lema  Unip. Lda ne’ebe mak sai manan nain ba konkursu publiku no tenderizasaun obra hodi hari’i konstrusaun edifisiu provisóriu Radiu Televizaun Timor-leste, Empreza Publika (RTTL,EP) nian.

“Edifisiu ne’e provizoriu de’it, hari’i konstrusaun edifisiu  ne’e provizoriu  harii de’it iha RTTL EP kaikoli Dili, ne’ebe nia kontextu ne’e atu hala’o netik servisu ruma iha ne’e hodi hein edifisiu permanente diak nian tanba ne’e mak halo uluk ida ne’e sei la halo uluk edifisiu RTTL,E,P ne’e fatin la diak tanba ne’e mos udan tun no mos bee sa’e sira susar tebes”, Dehan Ministru MAPKOMS Fransisco Martins da Costa Perreira Jeronimo ba Jornalista sira hafoin selebra asina kontratu iha edifisiu RTTL,EP Caicoli, Tersa – Feira (28/06/2022).

Ministru ne’e esplika, akontesimentu iha loron 04 fulan abril tinan 2021 ne’e rezulta  edifisiu RTTL,EP afetadu makaas husi be’e sa’e ho situasaun ida ne’e MAPKOMS rasik mos tun direita hodi observa iha terrenu no husu ba Presidente RTTL,EP Jose Antonio Belo, atu halo  relatoriu konkreta ida ba nune’e iha futuru bele hari’i edifisiu provizoriu ida ba RTTL,EP.

Tanba ne’e governu liu husi MAPKOMS gasta orsamentu ba konstrusaun edifisiu provizoriu RTTL,EP ho montante milaun ida resin ne’ebe mak mai husi Orsamentu Jeral Estadu (OJE) 2022 nian no tama iha fundu infraestrutura.

“Labele hanoin atu halo ma-fe de’it, maibe presiza mos Boa-fe ba prosessu dezenvolvimentu konstrusaun edifisiu foun ida ne’e. Presiza tebes no tenke iha boa fe katak, ita hakarak servisu ba rai ida ne’e ita hakarak lori rai ida ne’e ba oin, no ita hakarak katak RTTL,EP ne’ebe mak empreza publika estadu nian mos tenke iha kondisaun infraestrutura ne’ebe mak diak no tenke fornese notisia ne’ebe mak kualidade sira, ida ne’e mak ita nia hakarak”, Dehan Fransisco.

Nia Esklaresa katak selebrasaun kontratu ba hari’i  edifisiu foun RTTL.EP ne’e hanesan  luta  ida nasional, tanba nia rasik mos hahu fali ona ho estudu viabilidade foun hodi konstrui  futuru  edifisiu foun ba RTTL.EP ho Tatoli I.P iha Ai-mutin ba edifisiu foun ne’ebe atu hari’i dadaun ne’e provizoriu de’it nune’e bele fasilita funsionariu sira liu-liu jornalista RTTL,EP atu iha konfortavel halo servisu, tanba iha tempu udan  sempre iha akontese inundasaun be’e sae.

Nia husu ba kompania manan nain BANIR LEMA UNIP.LDA atu aselera prosessu  konstrusaun ba edifisiu ne’e tanba durasaun tempu  konstrusaun durante fulan 6 de’it, hodi nune’e bele tama iha fulan janeiru tinan 2023 sira bele uza ona edidisiu ne’e hanesan presente bo’ot ida ba RTTL,EP atu nune’e bele hala’o kna’ar ho diak.

Iha fatin hanesan na’in ba komapnia, Director BANIR LEMA  UNIP.LDA Domingos Sequeira nia garante katak sei konklui  konstrusaun foun ba edifisiu  provizoriu RTTL,EP iha fulan 6 nia laran tuir kontratu ne’ebe mak asina akordu ona ho MAPKOMS.

“Ha’u garante  katak prosessu ne’e sei hotu tanba material sira ne’e ami hatama mai husi indonezia, maibe prepara hotu ona antes tama asina kontratu, ami nia badaen hotu-hotu kompletu ona hodi nune’e aban ba oin ami komesa hari’i ona armajen iha ne’e no harii ona armazen mak bele halo ona projetu ne’e, no garante katak fulan 6 bele hotu edifisiu provisoriu RTTL, EP ho nia andar tolu ho nia medida naruk metru 30 no nia luan metru 15 tanba ne’e pessoal tekniku sira ne’ebe mak atu hala’o servisu iha ne’e parte kompania kontrata  husi ema Indonesia no ajudante sira mak husi Timo-Leste”, Hakotu Nia.

Jornalista     :   Aquelina Magalhães