PM Oferese Estátua São Pedro Ba APC, Ismael: TL Tenki Sai Komprimisiu Ba Paz
Dili, SAPNewsTL : Ismael da Costa simu Posse ba Primeiru Presidente Autoridade Proteção Civil(APC), Deklarasaun ofisial ba Loron Nasionál APC, Primeiru Ministru Taur Matan Ruak Oferese Estatua São Pedro no São Pedro Sai Padroeiru ba APC.
Primeiru Presidente Autoriedade Protesaun Civil Ismael da Costa hateten pilar rua hanesan Defesa Nasionál no seguransa Interna, iha komprimisiu ba paz no iha kondisões ba necessidade baziku ba komunidade sira
“Protesaun Civil hanesan frente linha Primeiru Tanba ne’e husu ba Linhas ministeriais no entidades sira hotu atu fo kontribuisaun ba populasaun sira ne’ebe hela Besik iha Rai lolon no mota ibun, Protesaun Civil iha prioridade 4 ne’ebe mak sei kontinua lori ba oin ho politika Sekretario Estadu Ninian”. Tenik Presidente APC ba journalista sira iha Dili, 29/06, orseik hafoin tomada de posse
Iha Dekretu Lei kona ba sistema operasaun protesaun sivil, Consellu Ministru mos sei operasionaliza pessoal sira ne’ebe Sai hanesan pessoal profesionais hanesan Polícia no F-FDTL sira nia estatutu rasik
“Ita hatene katak iha Fulan Outobru 2019 akontese inséndiu boot ahi han iha Municipiu 6 no afeta ba rihun tolu sai vitima, sira lakon sira nia toos no uma, Iha Fulan marsu Tinan 2020 akontese inundasaun boot hodi afeta ba familia Timor hamutuk rihun sanulu resin-lima (15)”. Nia sublunha
Entretantu, Iha Fulan Abril tinan 2021 Inundasaun boot akontese tan iha Teritório laran tomak hodi halakon sidadaun hamutuk 31, Nain 13 lakon vida to’o agora seidauk hetan, no familia afetadu hamutuk rihun 50.
Enkuantu, ho akontesimentu inséndiu, dezastre no inundasaun husi 2019 to’o 2021 estadu konsege gastu osamentu hamutuk milhões atus tolu ualunulu resin ($380.000) hodi estimula familia vitimas sira
Presidente Autoriedade Protesaun Civil (APC) Ismael da Costa mos fo agradese ba Primeiru Ministro ho nia esposa ne’ebe oferese Estatua São Pedro hodi sai Mahein ba APC.
Jornalista : Vinsensius Morais Araujo