PN Deskuti Kona-ba  Dupla Tributária Entre Portugal ho Timor-Leste

SapNewsTL (DILI) –  Governu liuhusi Minitériu Finansas (MS), Ministériu Negosiu Estranjeiru (MNEK) hamutuk ho komisaun B trata assuntu ba Seguransa Defeza no Negosiu Estranjeiru  halo audensia hodi diskuti kona-ba konvensaun ne’e.

Asuntu ne’e  hato’o husi  vise ministru Finansas António Freitas, ho prezidente Komisaun B trata assuntu siguransa defeza  no negósiu estranjeiru José Agustinho Sequeira Somocho  ba jornalista sira hafoin remata audiénsia iha komisaun B parlamentu nasionál.

“Ohin konsultasaun  ne’ebé ho komisaun B  ita konsentra hare’e liu  ba konvensaun dupla tributaria ho Portugal, iha akordu ne’e rasik selebra iha tinan 2011 depois  liu tinan sanulu resin ida maka hare’e fila fali konvensaun ne’e husi parte  Timor-Leste nian. Iha parte Portugál nian  sira aprova kedas iha loron 8 fulan juñu 2012”, dehan Vise Ministru Finansas António Freitas ba jornalista sira iha Parlamento Nasional, Kuarta-Feira (29/06/2022).

Vise Ministru António Freitas  hatutan objetivu Konvensaun ne’e atu antisipa  pagamentu tributaria ne’ebé mak dupla, tanba ne’e nia  husu ba parlamentu nasioál tempu badak  ratifika konvensaun dupla tributária.

Governante ne’e haktuir, konvensaun ne’e hodi  haree  sidaudaun portugueza  ne’ebé mak iha Timor ho sidaudaun Timorense ne’ebé mak sidadaun  iha portugál, atu nune’e  sidaudaun Portugal  selu impostu   iha Timor-Leste, sidadaun timorense selu  impostu  mós iha portugal.

“Ami agradese ba konsultasaun ne’e , no ami rona mós sujestaun balu liuhusi komisaun B, atu hare’e oinsá estende tan konvensaun ne’e ba nasaun sira ne’ebé mak besik ho ita, hanesan Indonezia, Australia no mós nasaun ne’ebé ita nia traballadór sira servisu hela”, dehan António.

Vise ministru António Freitas informa tan,  planu VIII Governu Konstituisionál  ne’ebé lidera husu Jenéral Taur Matan Ruak  importante liu maka  iha komitementu ho  nasaun ne’ebé mak suporta ona Timor-Leste.

 Iha fatin hanesan Prezidente Komisaun  B trata assuntu  ba siguransa defeza  negosiu estranjeiru Jose Agostinho Sequeira Somocho salienta, audensia konvensaun ida ne’e, hodi ko’alia kona-ba tributasaun entre país rua, Portugal ho Timor-Lese.

Somocho hatutan, problema fundamenta iha audensia  ne’e mak  tributasaun impostu sira ne’ebé  mak dala ruma Timoroan servisu iha Portugal, Portugal servisu iha Timor-Leste, maibé probelma sira  importante  tebes ba Timor-Leste ho Portugal.

Somocho esplika, asina akordu ne’e sei la para iha Portugal de’it, maibé  tempu badak sei konvense ho nasaun viziñu sira seluk hanesan Xina, Japaun Autralia no Singapura , sei halo akordu  para halo movimentu ba nasaun sira ne’e hotu.

“Ba Timor-Leste ha’u ladun preokupa tanba ita sidauk halo movimentasaun boot , maibé sidadaun Portugál sira iha ne’e mak selu impostu dala rua, tanba ida ne’e maka governu portugueza  depois asina tiha akordu  ratifika tiha tau iha pratika”,

Enkuantu jornalista  husu  kona-ba dadus   tributoriu maibé husi governu sidauk iha dadus, maibé governu promote  katak  sei tau sekretariu estadu ida hodi hare ba asuntu ida ne’e.Hakotu nia

Jornalista    : Lidia Amaral