Karreta Bus & Truck Soke Malu, Rezulta Kondutor Sofre Tohar
Imajem : Bus diresaun Lospalos-Dili ne’ebe sofre asidente iha Postu Laga, Munispiu Baukau, 31/03/2024. Foto : Domingos da Conceição.
SAPNewsTL, Baukau : Karreta Bus Diresaun Lospalos – Dili ho xapa matríkula 39-063 no Karreta truck ho xapa matríkula A53-146 soke malu iha postu administrativu Laga, Munisipiu Baukau.
Tuir informasaun ne’ebe SAPNewsTl asedu liu husi Sidadaun Domingos da Conceição haktuir, karreta Bus Diresaun Lospalos – Dili ho xapa matríkula 39-063 refere tula passajeiru sira husi Lospalos ba Dili mak enfrenta asidente iha postu Laga
“Bus Diresaun Lospalos – Dili ho xapa matríkula 39-063 no Karreta truck ho xapa matríkula A53-146 soke malu Karreta truck ho xapa matríkula A53-146 tanba konduz ho velosidade makaas”.Tenik Domingos da Conceição ba SAPNews iha Laga, 31/03/2024
Domingos hatutan, asidente ne’e rezulta kondutor bus nia ain tohar tanba kondutor konduz karreta ho velosidade aas.
“Asidente karreta soke malu ne’e rezulta kondutor nia ain tohar, inklui passajeiru sira balun sofre kanek”.Domingos informa
Entretantu, vítima asidente sira oras ne’e daudaun transporta ona ba sentru Postu Administrativu Laga hodi halo tratamentu emergénsia ba vítima sira.
Jornalista : Luis Pailofo
