Parseiru Governu No BNCTL Selebra Akordu Apoia Joven Halo Negosiu
SAPNewsTL, (Dili) : Embaixador Korea do Sul, KOICA, Ministry Of Tourism, Trade and Industry (MTCI), The Entrepreneurship Development Support Institute (IADE), SEFOPE, No Sekretario Estado Juventude no Desporto (SEJD) No Banco Nasional Comercio Timor-Leste (BNCTL), Apoio Joven Sira Atu Halo Negosiu.
Tuir Vise Ministro do Turismo, Comercio e Industria Domingos Lopes Antunes hateten asinatura ne’ebé halo ohin loron ho embaxador Korea do Sul no organizasaun sira ho projetu Young Employment and Entrepreneusship Skill.
ʺOhin finalmente ita asina projetu youth employment and entrepreneurship skill, projetu ba abilidade empregu no emprendedorismu ba joven sira, ne’ebé governu Korea do sul mak apoiu ke ohin loron Ministru Finansas Rui Gomes mak asina ho Koica nia bo’ot iha Timor-Leste”. Dehan Vice Ministro do Turismo Comercio e Industria Domingos Lopes Antunes ba jornalista sira iha salaun Auditorium, Ministeiro Finansas Ai-tarak laran Dili, sexta-feira (22/07/2022)
Entretantu, projeto ne’e ho valor 6.5 millõens ne’ebé sei implementa iha tinan 6 nia laran, projetu ne’e atu apoiu joven sira ne’ebé fila husi rai liur hanesan Korea, Englaterra, Australia liuliu husi Korea sira mai lori osan hodi loke empregu ba nia maluk sira
Nia dehan husi projetu ne’e sei halo aktividade oi-oin ne’ebé mak sei apoiu joven sira ida mak industria hodi produs paun.
ʺApoiu ba joven sira ne’ebe foin hahu negosio ne’e liu husi aktividade hanesan indústria produs paun ne’ebe uza material prima Timoroan nia aktividade ida halo intership, joven sira ne’ebe ba intership ho setor privado sira ho fulan balun depois sira bele sai ba buka servisu sira seluk ida ne’e mak bo’ot”, Hateten Nia.
Nia haktuir tan katak projetu ne’e sei halo iha regiaun tolu mak hanesan Maubessi, Baucau, Bobonaro ne’ebe apoiu husi UNDP, MTCI, IADE, SEFOPE, SEJD no BNCTL.
ʺProjeto ne’e implementa husi UNDP, IADE, MTCI, SEJD no SEFOPE ba tinan ne’e, projetu ne’e bain-bain hala’o iha Dili maibe projetu ne’e ami sei lansa iha regiaun tolu Maubessi kobre munisipio ha’at Baucau municipio ha’at, Bobonaro municipio ha’at hodi fo oportunidade ba joven sira ne’ebe iha planu negosio diak atu hola parte iha projetu ida KIKOF”.
Nia afirma liu tan katak halo negosio presija skill lubuk tanba ne’e la’os aprende deit iha area ba emprendedorismu deit.
ʺArea ba emprendedorismo, area softskill ne’ebe ohin temi lubuk ida, soft skill prepara joven sira la’os ba emprendismentos deit mas ba atu halo emprendementos konserteja presija skill sira seluk, ne’ebe orsida projetu ida iha sira nia konsellu sei apresenta no ida mak finansas nia engenharia nianʺ Hakotu Nia.
Jornalista : Marcela Mery da Costa