Governu Transfere Osan Ba BNCTL, Deputada Lay Hakfodak Iha Portugal Ema La Hatene TL
![](https://sapnewstl.com/wp-content/uploads/2022/08/image-26-650x434.png)
SAPNewsTL, Dili: Iha uma Fukun Parlamentu Nasionál, Deputada bankada CNRT Maria Fernanda Lay hateten osan konstrusaun eskola governu transfere ona ba Banko BNCTL, laiha razaun atu dehan osan Laiha. Enkuantu Deputada ne’e mos lamenta ho Komisaun C nia vizitasaun ne’ebe ema tahan tekniku rua iha imigrasaun
“Komisaun tenki ba halo fiskalizasaun iha BNCTL, osan ne’e se maka uza tanba iha audénsia dekteta katak osan transfere hotu ona ba BNCTL, laiha tan razaun dehan osan Laiha tanba desde Tinan 2020 orsamentu dada naruk to’o mai iha 2022 ne’ebé husu ba komisaun fiskaliza nia osan iha BNCTL”. Dehan Deputada Maria Fernanda Lay iha Parlamentu Nasional, 2/08/2022.
Iha parte seluk, Deputada ne’e mos lamenta hó Komisaun C nia vizitasaun ba Portugal kona-ba passaporte ne’ebé ema tahan, tekniku rua tahan iha imigrasaun
“Lamenta teb-tebes ho komisaun C nia vizita ba Portugal, ami to’o iha ne’eba ema la hatene pasaporte ne’e nia rai iha ne’ebé, ha’u hakfodak pela primeira vez Deputadu sira liu tiha ona husi parte diplomátiku tékniku rua tahan hela iha imigrasaun”. Nia informa
Entretantu, Deputada ne’e kestiona kona-ba funsionamentu Sekretáriu Estadu foun, asuntu trabalhadores sidadaun iha Diaspora ne’e funsiona ona ka la’e no hatene nia papel ka la’e, tau membru governu barak- barak la funsiona so para gasta osan estadu nian ba saláriu ho gabinete.
Nia hatutan, tau orsamentu bo’ot iha fundus infraestrutura maibé empréstimu halo nafatin no husu atu tau matan didi’ak no lalika hein to’o fim do ano mak halo ezekusaun bo’ot
“Ita tau orsamentu bo’ot iha fundus infra-estrutura maibé empréstimu mos halo nafatin, problema Estrada, ita asina ona kontratu sente laiha problema ba ida ne’e, tanba desde uluk ami fiar katak emprestimu ne’e halo jestaun didi’ak iha fundus bele fo benifisiu. Maibé kestaun Ministru Obras Públikas hasai tiha hotu ne’ebé la funsiona, presentajen ezekusaun iha terenu liga ho pagamentu la tuir ida ne’ebé agora ita selu daudaun ho taxa ne’ebé ita tenki selu ne’e i sem benefisiu”. Dehan nia
Enkuantu, Deputada Bankada CNRT ne’e husu guvernu atu tau matan didi’ak no tenki iha akonpañamentu diak ba ezekusaun orsamentu geral estadu ne’ebe iha.
Jornalista : Ermelinda Soares
Editor : Luis Pailofo