PR Horta Partisipa Serimonia Funeral Restos Mortais 34, Martires Nain Rua Deskunhesidu
SAPNewsTL (Manufahi) : Presidente da Repúblika Jose Manuel Ramos Horta partisipa iha serimónia haloot restos Mortais Husi saudoso Nain tolunulu resin-haat (34) iha semitériu Jardim Herois Martires Patria Luak Munisipiu Manufahi, Presidente Repúblika José Ramos horta hateten Rai ida ne’e orgullu ho nia herois no martires sira nia luta no dedikasaun ba ukun rasik an
Presidente da Repúblika iha nia Diskursus hateten marka Nia prezensa hamutuk ho konvidadu sira atu sai Testemunha ba serimónia funeral ba Erois no Martires nain 34 nian Ne’ebe fakar ona sira nia Ran no ruin naklekar ba ukun rasik Aan.
“Rai-ida ne’e bele orgulho ho Nia Herois no Martires sira, Estadu halo Nia obrigasaun Tinan-sira Nia laran, hahú kedas Primeiru Anu Restaurasaun Independénsia Mak hanoin oinsa atu rekonhese Erois sira no Martires sira”. Dehan Presidente da Republika Jose Manuel Ramos Horta iha Manufahi, 04/08/2022
Tuir Xefe Estadu, La fasil atu identifika Herois no Martires ne’ebe fo ona sira nia Isin no Ran hodi kontribui ba Luta libertasaun nasionál
“Balun hetan familia Nia Ruin, Ha’u bele hateten sorte, Ha’u rasik, Ami Nia Alin feto ida mate iha Lolotoe ne’eba, Sorte populasaun haree, Sorte populasaun Mak hakoi Nia Iha loron 18 dezembru 1978, bombardamentu iha Aldeia Anno iha 2003, ami ba foti hakoi fila fali Iha Santa-Cruz” Chefe Estadu Akresenta.
Aliende ida ne’e, Presidente mos hatutan, Nia Alin Guilherme Ne’ebe mate imbuskada iha Mape no Mos Saudozu Nuno Horta ne’ebe hanesan komandante FALINTIL Brigada Xoke to’o agora seidauk hetan sira-nia Ruin.
Restus Mortais Saudozo Na’in 34 ne’e, iha Saudozo Nain-rua Mak Martir Deskobesidu, haloot iha Semitériu Jardim Herois No Martires Patria Metinaru Manufahi, Bazeia ba Dekretu Presidente da Repúblika, No.62/2022 ne’ebe publika Iha loron 2 Fulan Agosto.
Entertantu, Partisipa iha serimonia funeral ne’e, Segundo Vice Presidente Parlamento Nacional(PN) Maria Angelina Sarmento, Presidente Tribunal Rekursus Deolindo dos Santos, Membro Governu, Xefe Estado Maior Jenderal Forsa Armada Jeneral Falur Rate Laek, Veteranos no komunidade Munisipiu Manufahi.
Jornalista : Vinsensius Morais Araujo
Editor : Geraldo da Gama