MJ Husu MP Estuda Didiak Lei Nú. 2/2017, Autor Propõen Husu Alterasaun
SAPNewsTL, Dili : Ministériu Justisa (MJ) hanesan orgaun ida ne’ebé propõen lei ilisitu droga ba Parlamentu Nasionál, sénti hakfodak ho akuzasaun Ministeiru Públiku ba suspeitu nain sia (9) ne’ebé komete kazu droga, Ministru Justisa Tiago Amaral Sarmentu husu Parlamentu Nasionál halo alterasaun ba Dekretu Lei Númeru 2/2017
“Públiku tomak hatene katak iha Timor Leste iha lei espesial ida kona-ba ilisitu droga la’ós kodigu penal deit, maibe ita nia sosiedade no komunidade hatene katak TL iha lei espesial ida ne’ebé konsagra iha dekretu lei númeru dois 2/2017 ne’ebe ko’alia kona-ba regulasaun droga”. Hateten Ministru Justisa Tiago Amaral Sarmentu ba Jornalista sira iha Palásiu Guvernu foin lailais ne’e, 17/08/2022
Nia akresenta, ema ne’ebe konsumu drogra ne’e krime amenasadu hetan kadeia husi tinan 2 to’o tinan 12
“Iha lei nia laran define katak sidadaun ne’ebé konsumu droga iha uma deit ita konsidera krime, ameasadu hetan pena prizaun tinan rua to tinan 12, lei refere aplika ona iha rai laran, Tanba ne’e hetan aprovasaun husi Parlamentu Nasionál, objetivu oinsá maka atu hapara no hamaté kazu droga iha Timor-Leste”. Dehan Ministru
Nia hatutan, aprova lei elisitu droga tanba ema ne’ebé konsumu droga sai impaktu negativu ba sidadaun hot-hotu
“Lei ilisitu droga ne’e Parlamentu Nasionál aprova atu halo investigasaun, atuasaun ba kazu droga iha Timor-Leste, Hanesan Ministeiru Justisa hakfodak tebe-tebes ho akuzasaun ne’ebé ladun fórte ba suspeitu sira mesmu hetan termu identidade rezidensia (TIR) tuir artigu númeru 2/ 2017, maibe Tribunal Distrital Dili (TDD) ladun fo atensaun ba orgaun sira ne’ebé aplika iha TL”. Hatete nia
Entretantu, Ministériu Justisa rekomenda ba Ministeiru Públiku tau atensaun no haree didiak kona-ba lei númeru 2/2017 atu nune’e akuzasaun ba suspeitu sira tuir provas ne’ebé regula no vigora iha nasaun demokrátiku
Enkuantu, Ministru ne’e mos husu ba Parlamentu Nasionál (PN) halo alterasaun ba dekretu lei númeru 2/ 2017 atu nune’e bele hasa’e pena prizaun ba suspeitu sira ne’ebé konsidera komete kazu droga iha Timor Leste
Jornalista : Ermelinda Soares
Editor : Ekipa Editorial