ARKTL Realiza Treinamentu Kontrolu Emosaun No Sensibilidade Igualidade Jéneru

SAPNewsTL, Dili: Asosiasaun Radio Komunidade Timor Leste ( ARKTL)  realiza treinamentu prevene hirus, kontrola emosaun no sensibilidade igualidade jeneru feto no labarik iha Timor Leste, Objetivu husi treinamentu ne’e atu habelar ba informasaun kona-ba igualidade generu no kontrolu emosaun ba familia inklui komunidade

“Treinamentu ida ne’e, entre Koperasaun Governu  Alemanha Liu Husi GIZ servisu hamutuk ho Radio ARKTL no Rádio Komunidade Lian Matebian Baucau, Radio Komunidade Loriku Lian, Radio Komunidade Vox Populy Lospalos, Radio Komunidade Povu Viqueque, objeivu husi programa ne’e hodi produz radio makazin ne’ebe koalia liu kona-ba prevensaun  violensia hasoru feto ho Labarik”. hatete Antonio Martins dos Santo ba jornalista sira iha Edifisiu Radio loriku farol, (22/08/22).

Nia hatutan, Kada iha estasaun Rádio  mos iha Formasaun ba rona nain sira hodi habelar informasaun to’o iha familia, komunidade liliu ba prevensaun violénsia hasoru feto no Labarik sira.

“Ita hakarak habelar formasaun ba prevensaun violénsia hasoru feto no labarik feto, oinsa mos atu kapasita mos rona nain sira bele iha abilidade ne’ebe naton para hodi bele tun ba iha terenu, atu tranforma formasaun ne’e ba  familia ho sosiedade sira hotu oinsa hodi prevene violensia ba ferik no labarik feto Sira”. nia teni

Nia realsa, atu familia no sosiedade bele hetan paz no hakmatek tenki prevene violénsia

“Ita espera katak informasaun sira ne’ebe bele hato’o ho diak no aksaun ne’ebe diak atu prevene violénsia feto no labarik feto sira iha Ita nia rai laran hodi sira bele hetan hakmatek no paz iha ita nia sosiedade”. Nia afirma

Entertantu, Fasilitador GIZ  Fedelis de fanios pria hateten nia fiar katak governu Alemanha sei koninua apoio nafatin programa sira ne’e  liliu formasaun ne’ebe mak iha area tolu iha Munisipiu Vikeke, Baukau no Lautém

“Programa ne’ebe ami halo loron tolu ne’e mak hanesan kontrolasaun emosaun iha Ita nia familia no komunidade, atividade segundu, oinsa atu prevene an husi hirus husi familia no komunidade, no atividade terseiru mak Sensibilizasaun bazeia ba jéneru feto no labarik feto”. Nia tenik

Enkuantu, Atividade refere hetan partisipa husi universidade sira, eskola segundaria sira no rona nain sira iha husi Dili inklui Munisipiu balun

Jornalista  : Antonio Tilman

Editor         : Ekipa Editorial