Defisiénsia Matan Finaliza Nia Monografia, Júlio: Lisaun Bo’ot Ba Timor Oan Hotu

SAPNewsTL, Dili: Ema ho defisiénsia matan João Bareto nu’udár estudante UNTL, Fakuldade Siénsia Sosiais no Departamentu Inkluzaun Sosial realiza nia monografia  ho tópiku “ Promove Talentu Ema ho Defisiénsia Matan Liu Husi Programa Artezanatu iha AHDMTL”.

 Tuir Vise Dekanu Asuntu Administrasasaun Finansas Professor Júlio Aparício hateten nia sente orgullu tanba ema ho defisiensia matan bele finaliza nia monografia

“Ami nu’udár dosente ami orgullhu tanba nia problema ho matan,maibé nia bele finaliza ninia hakerek tanba nia hakerek ho letra braille nian, nia  agora hala’o hela exame , ba ha’u pessoal ne’e hanesan milagre ida, ba iha Timor Leste difisiensia matan ida ne’ebe la hanesan ema seluk ida maibe nia agora defende hela ninia monografia iha ne’e Baixarelato diploma tres nian”. Dehan Vise Dekanu Asuntu Administrasasaun Finansas Professor Júlio Aparício iha kampus Caicoli, FASPOL,Kinta-Feira, 22/09/2022.

Vise Dekanu ne’e akresenta, ida ne’e hanesan lisaun ida ba Timor hotu no nia konsidera ema hotu normal.

“Ha’u nu’udár professor,  dalaruma haree ho matan been, ida ne’e hanesan lisaun ba ida Timor oan, ema ne’ebé difisensia matan nia bele ezame tanba sa mak sira seluk labele, mai ha’u, la’e ha’u dehan ema hotu normal maske problema ema ida-idak nian maibé jeralmente ema dehan la normal”. Tenik Dekanu

Dosente ne’e hatutan tan, nia mak nu’udár inisiadór ba kria Departamentu Inkluzaun Sosiál ne’e iha Fakuldade Siénsia Sosiais nia okos no defisénsia ain ida mak gradua ona ida mak agora hala’o hela ezame.

“La’os nia de’it maibé ami iha difisensia ain, tilun no difisensia matan maibe hanesan difisensia problema iha ain ne’e ida gradua tiha ona, ida agora daudaun ne’e exame monografia ne’ebé sira nia ankatang ne’e hamutuk nain lima (5) maibé ba estudante ho defisiénsia  matan foin mak akontese João Barreto ”. Nia informa

Manorin ne’e mos sente orgullu tanba estudante João Barreto ne’e esforsu no hetan duni rezultadu di’ak.

Iha fatin hanesan, Direktora Departamentu Inkluzaun Sosial Cecilia Pereira ne’ebé hanesan mos Ezaminadora ba estudante ne’e hateten, estudante defisiénsia matan João Barreto hanesan estudante ida ne’ebé aktivu tebes no sira preokupa oinsa bele ezame monografia.

“Ha’u haree ninia aprezentasaun di’ak liu fali balun ne’ebé la defisiénsia matan no orgullu tanba orientadór bele orienta nia  ho kapasidade bele orienta ho letra brille”. Direktora ne’e salienta

Entretantu, ezamenador ne’e fundamenta, estudante ne’e halo aprezentasaun uza  letra brille no nia prepara maksimu, nune’e nia konsege aprezenta maske la aprezenta ho power point.

Jornalista : João Marito & Esmeralda Soares

Editor : Ekipa Editorial