Informasaun Timor Oan Sei Ba Portugal, Xefe Casa Militar No Instituisaun Seguransa Hasoru Malu
Imajen Sorumutu Entre Xefe Casa Militar no Instituisaun Seguransa sira iha Palasiu Prezidensial, Dili, 19/10/2022
SAPNewsTL(Dili) : Relasiona ho Ajénsia ne’ebe haruka Timor oan ba servisu, iha ne’ebe hetan abandonadu iha estranjeiru, Xefe Casa Militar Presidensia Republika Interino Major Francisco da Silva hala’o enkontru ho parte seguransa hanesan PCIC,PNTL, F-FDTL,SNI, SERVE, inklui Komição Combate Tráfiku Humanu (CCTH) iha Palásiu Presidensial Nicolau Lobato Bairo-Pite.
“Ami nia enkontru ohin dadersan to’o agora kona-ba preokupacões sidadaun Timorense ne’ebe abandonado iha estranjeiru hanesan Alemanha, Abudabi, Malasia inklui Portugal”.(Dehan Xefe Casa Militar Presidensia Republika hafoin sorumutu ho instituisaun seguransa nian iha palasiu presidensial Nicolau Lobato Bairo-Pite Quarta feira nee 19-10)
Tuir Xefe Casa Militar Presidensia Republika Interino hateten rona mos informasaun ida katak iha loron 27 sidadaun atus rua resin sei desloka ba Rai liur.
“iha loron 27 agora proxima semana, iha Quinta feira, sidadaun atus rua resin sei sai Tan ba Rai-liur ho preokupações sira ne’e maka parte Casa Militar, konvida entidades seguransa nian tur hamutuk fo ideias ba malu atu hodi buka solusaun ba poblema sidadaun sira atus rua resin atu sai iha semana oin”.( Hateten Xefe Casa Militar Presidensia Republika)
Imajen Intervista Xefe Casa Militar Presidensia Republika Interino Major Francisco da Silva
Tuir Lei servisu seguransa nian, iha artigo 21, presidente hanesan aman ba Nasaun nia iha dever ida atu kontrola entidades seguransa nian.
Iha enkontru nee Xefe Casa Militar Presidensia Republika, husu ba PSIC, PNTL, F-FDTL, SNI, SERVE no mos Komisaun Kombate trafiku humano nian, atu identifika ajensias ilegais sira ne’ebe haruka sidadaun sira ba servisu estranjeiru
“Ami hamutuk ko’alia kona-ba dia 27 agora, nune’e sira atu atua tuir regras. Regulamentu ka Lei ne’ebe maka fo ba sira, hodi atua, karik sidadaun sira ne’ebe maka sai ba Rai liur rekrutamentu husi Ajensia ne’ebe ilegais sira tenki responsablidade ba sidadaun sira”.(tenik Francisco da Silva)
Xefe Casa Militar Presidensia Republika Interino esplika, Sira ne’ebe atu sai Quando sai ba tenki hetan Fatin diak, servisu manan osan hodi bele ajuda familia, karik sai ba maka ba abandonadu fali iha estranjeiru entaun ida ne’e dever moral nu’udar Estadu Timor Leste labele tuur nonok deit.
Aleinde ida ne’e, Xefe Casa Militar Presidensia Repúblika Interino hateten ba maluk sira se mak sai ilegal, laiha dukumentus legal ruma nia sei la sai iha dia 27.
“Agora ami mos halo kontaktu ona ba Portugal para imigrasaun iha Portugal hein iha odamatan Entrada, bainhira to’o iha ne’eba sira sei husu tuir o mai iha Portugal ne’e se maka atu responsabilidade, familia kontaktu familia. se maka bele mai simu. se buat ida laiha tenki deporta fila”. (hakotu Nia)
Jornalista : Vinsensius Saldanha
Editor : Ekipa Editorial