Xefe Estadu To’o Iha Aeroportu, Povu Camboja Simu Ho Imajen PR Horta
Imajen Populasaun Nasaun Cambodia Simu Xefe Estadu Jose Ramos Horta
SAPNewsTL(Dili) : Xefe Estadu, José Manuel Ramos-Horta ho delegasaun to’o ona iha Aeroportu internasionál Phnom Penh, Reinu Kambodia ho aviaun Air Asia.
Xefe Estadu, José Ramos-Horta ne’ebé akompaña husi Ministra Negósiu Estranjeiru no Kooperasaun, Adaljiza Magno ne’e simu direta husi Vise Primeiru-Ministru no Ministru ba Royal Palásiu Kambodia, Samdech Chaufea Veang Kong Som Ol no Ministru ba Korreiu no Telekomunikasaun Chea Vandrth no Embaixadór Timor-Leste bá Reinu Kambodia, Hermenegildo Cupa Lopes akompaña ho parada militár.
Tuir oráriu, iha loron 20 Outubru 2022, Xefe Estadu Jose Manuel Ramos Horta sei hala’o enkontru ho Liurai Reinu Kambodia nian, Norodom Sihamoni, iha Royal Palásiu Kambodia.
Prezidente Repúblika mos sei halo enkontru kortejia ho Primeiru Ministru Kambodia, Hun Sen, hafoin enkontru kontinua ba asina akordu kona-ba servisu aerea no komérsiu.
Enkuantu, Prezidente Repúblika Jose Manuel Ramos Horta Sei hasoru malu Ho Estado Camboja iha loron 19 too 21 Fulan outobro no fila hikas mai Timor Leste iha loron 23 fulan outobru tinan 2022.
Jornalista : Vinsensius Saldanha