KONSSANTIL Selebra Loron Ai-Han, Bianco : To’o Tempu TL Labele Depende Ba Importasaun

SAPNewsTL, Dili – Ministériu Agrikultura no Peskas ( MAP) hhamutuk ho Konsellu Nasionál Soberania Seguransa Ai-han Timor Leste ( KONSSANTIL)   komemora loron  Ai-Han Mundial ho tema nasional “La husik ema ida iha kotuk , haforsa Sistema ai-han ne’ebe  Sustentável , Reziliente no Nutritivu ba Povu Timor Leste”.

Tuir Ministeiro Agrikultura no Peskas Pedro dos Reis konsidera Selebrasaun Loron Ai-han Mundial importante tebes hodi hafanu kuinesimentu públiku iha Seguransa Ai-han no Nutrisaun

“Ohin loron ita selebra loron ai-han mundial iha Timor Leste, tinan ida ne’e ita iha pedidu rua ida husi Diretor Jeral FAO  no Sekretáriu Ezekutivu CPLP, atu ita komemora tinan sanulu resin ida (11) Timor Leste adopta  ba estratejia segunransa ai-han nutrisaun, selebrasaun ida ne’e importante tebes hodi hafanu públiku iha serguransa Ai-han no Nutritivu”. Dehan Ministeiro Agrikultura no Peskas Pedro dos Reis ba jornalista iha Fatin CCD Merkadu Lama Tersa-Feira ne’e (18/10/22)

Governante ne’e hatutan ohin loron mundu enfrenta  dejafiu boot inklui iha Timor Leste ne’ebe kauza husi Pandemia Kovid-19,  krize alterasaun klimátiku, deversifiksaun alinmentares no mos konflitu militar entre nasaun Ukrania ho Rusia lori situasaun sira hanesan folin aihan sa’e  no energia kombustivel sa’e,  folin adubu sai Karun, situasaun ida ne’e halo sidadaun sira mak la hetan rendimentu, menus liu iha ai-han nutrisaun  saudavel ba Oan sira

Ministru ne’e mos husu ba entidade relevante servisu makaas no tau matan ba ai-han nutritivu no saudavel

“Ita presiza hamutuk hodi tau matan ba ai-han nutrisaun saudavel ba ita nia sidadun sira hotu iha Timor Leste,  sira bele asesu ba ai-han nutrisaun, Ita presiza hamutuk hodi suporta ai-han nutrisaun diak ba sidadun Sira hotu iha Timor Leste”. Nia sublinha

Entertantu, Reprezentante Presidente Parlamento Nasionál  Antonino Bianco  hatete,  selebra loron mundial inspira no fo hanoin ba guvernu hodi servisu makaas liu tan hamenuz dependensia, mal nutrisaun no hamlaha iha rai ne’e

“Hanesan Reprezentante fo hanoin ba ema hotu liliu  governu katak ohin Ita  komemora  loron mundial alimentasaun nian, fo hanoin katak Ita selebra loron mundial para Ema labele hamlaha, halakon hamlaha ne’e halo nusa, malnutrisaun entaun tenke produs makaas hare, batar  nunee labele depedente ba produsaun nasaun seluk”. Dehan Deputadu Antónino Bianco

Deputadu ne’e akresenta Timor Leste sei depedente ba importasaun aihan husi rai-liur, importasaun hare, tuir  dadus agora produsaun kona-ba ai-han 70 mil toneladas ne’ebe importa husi rai-liur, signifika iha rai ne’e ema barak seidauk produz, maibe ema oituan mak produz produtu

Nia haktuir, Agrikultura iha area rurais, rai barak sei abandona hela, oinsa bele atrai agrikultur sira bele kuda batar,  maibe haree  ba rai sira ne’ebe abandona hela i produs ai-han ne’ebe ema bele han, ema hotu presiza produz hare no batar, nune’e to’o tempu ida Timor labele dependensia ba ai-han husi rai-seluk, osan bele sirkula iha rai-laran

Enkuantu, iha Ambitu selebrasaun Loron Ai-Han Mundial ne’e, KONSSANTIL servisu hamutuk ho Ajénsia Internasional sira, Parseiru Dezenvolvimentu sira, Sosiedade Sivil, Universitariu sira, atividade sira ne’ebe hala’o mak hanesan La’o Saudavel, Talk Show, Semináriu, Workshop, kompetisaun Kulindria  ba estudantes Universitdriu no grupu Agrikultor sira

Jornalista :  Antonio Tilman

Editor       : Ekipa Editorial