Audiénsia Ho PR Horta, Xanana : Entidade Estadu Labele Interfere Ba Lei

SAPNewsTL(Dili) : Lider karizmátiku, Jose Alexandre kay Rala Xanana Gusmão hasoru malu ho Presidente da Repúblika Jose Manuel Ramos Horta, hodi ko’alia kona ba viagem Xefe estadu ba Cambodia inklui ko’alia situasaun iha rai-laran

“Presidente da Repúblika ba halo vizita Estadu ba Cambodia,  Ha’u fo Boa viagem no Servisu diak ba Presidente. Pois ami ko’alia kona-ba situasaun ne’ebe iha rai laran.”Dehan Lider karizmátiku  Kay Rala Xanana Gusmão iha Palásio Presidensial Nicolau Lobato Bairo-Pite Segunda feira ne’e 17-10)

Tuir Lider karizmatiku Kay Rala Xanana Gusmao, kona ba Osan ne’ebe Servisu Polísia Nasionál Intelejensia (SNI), nian ne’ebe prende Osan rihun 130 USD husi Membru Partidu KHUNTO, iha Aeroportu Internasional Nikolau Lobato komoro Dili, Nia laiha komentáriu.

“Atu koalia uitoan Kona-ba hotu hotu hatene katak, kaer Osan iha Aeroportu, ida ne’e mos Jornalista balun husu mai hau, atu ha’u bele komentar ka lae. Hau Lae.” (Hatete Xanana Gusmao)

Tuir Lider karizmatiku iha ona entidades instituisaun sira neebe kaer buat ne’e, husik sira ba, Tan ne’e ema hotu labele interfere no labele dehan tenki halo ida ne’e ou tenki halo ida ne’eba.

 Aleinde ida ne’e Kay Rala Xanana mos esplika kona ba Lei Indonesia  nian.

“Ita kuandu  ba Bali ka Jakarta ita sempre simu surat ne’e dehan, tuir Lei Indonesia Labele liu 100 milhões de rupias ne’e ita bele dehan 10 mil dolares liu labele lori tama ba Indonesia”.( hatutan nia)

Entertantu, Lider karizmatiku ne’e apresia ba servisu Gastão Piedade tanba hala’o servisu tuir regras

“Nu’udar sidadaun ida ha’u bele dehan Polisia Gastão halo ne’e tuir regras tanba ita tama Asean mak ita husik buat arbiru deit  ne’e, ita laos membru Asean ne’ebe loss, maibe ita hanesan aproveita deit tama iha Asean”. Nia tenik

Jornalista : Vinsensius Saldanha Morais De Araujo.

Editor        : Ekipa Editorial