Camboja Sai Defensor Forte Adezaun TL Ba ASEAN, PR Horta Viajem Ba Cambodia
Imajen Prezidente da Republika Jose Ramos Horta no Primeiru Ministru Taur Matan Ruak Iha Aeroportu Internasional Nicolau Lobato Comoru, 18/10/2022
SAPNewsTL (Dili) : Presidente da Repúblika José Manuel Ramos Horta ho Delegasaun hala’o vizita ba Reino Camboja nu’udar konvidadu Nai-Liurai Sua Majestade Preah Bat Samdech Preah Boromneath NORODOM SIHAMONI, Vizita Xefe Estadu ba Reino-Camboja ne’e nu’udar vizita daruak. Vizita ba dahuluk Presidente da Repúblika hala’o iha tinan 2011, iha mandatu tinan 2007 to’o 2012.
Entretantu, husi neeba kedas maka realiza ona interkambiu vizitas altu nivel lubuk ida no bebeik entre nasaun rua ne’e, inklui mos vizita ofisial S.E kay Rala Xanana Gusmao, momentu ne’ebe kaer knaar hanesan Primeiru Ministru iha tinan 2013.
Iha tinan 2016, vizita ofisial S.E. Samdech Akka Moha Sena PadeiTecho Hun sen, Primeiro Ministro do Reino do Camboja mai, Hafoin iha tinan 2019 hatutan mos ho vizitas trabalhu ba Camboja tantu ho Presidente da Repúblika Jose Ramos Horta, no mos Eis Primeiru Ministru Kay Rala Xanana Gusmão. Presidente da Repúblika hasoru malu ho Primeiru Ministru Hun sen iha Asembleia AGNU ba dala 77, fulan Setembru tinan 2022.
“Camboja no Timor Leste hala’o relasões ne’ebe diak tebes, Nu’udar aktual Presidente ASEAN nian, Camboja dadaun ne’e sai mos nu’udar defensor forte tebes kona ba Adezaun Timor Leste ba membru ASEAN”.( Dehan Presidente da Repúblika Jose Manuel Ramos Horta).
Durante vizita estadu, Presidente da Republika Sei halo reuniaun ho Sua Majestade Liurai, ho Primeiru Ministru Hun Sen, no vizita kortezia ba Presidente Senadu husi Presidente Asembleia Nasionál Reino Camboja nian.
Iha vizita Xefe Estadu ne’e mos Sei akompanha husi sektor privadu Timor Leste nian no komunidade Emprezarial, no sira ne’ebe sei partisipa iha forum ida ne’ebe maka organiza husi Ministério dos Negocios Estrageiros e Cooperação no Embaixada Timor Leste iha Reino Camboja ne’ebe servisu hamutuk ho Cámara de Comércio Camboja no Trade Invest Timor Leste.
Entertantu, Presidente da Repúblika Jose Manuel Ramos Horta Sei hasoru malu Ho Estado Camboja iha loron 19 to’o 21 Fulan outobru no fila hikas mai Timor Leste iha loron 23 fulan outobro tinan 2022.
Jornalista :Vinsensius Saldanha Morais
Editor : Ekipa Editorial