Politika Sosa Kareta Foun, UNITAL Konsidera PN Sees Husi Objetivu Estadu
Imajen Komunikadu Imprensa husi Estudante Unital kona-ba politika sosa kareta ba membu parlamentu Nasional
SAPNewsTL, DILI – Estudante Universidade Oriental Timor- Lorosa’e (UNITAL) hala’o komunikadu Imprensa kona-ba Proposta osamentu privativu tinan 2023 ne’ebe atu sosa Pajero Sport 30 no Portateis 65 ba Deputadu sira, tuir porta voz Joanito Maia da Cruz konsidera Bankada Asentu iha Parlamentu Nasional ladun iha hanoin diak hodi hamosu solusaun diak ba povu hodi fo hela nakukun ba povu Timor Leste tanba laiha seriedade diskute ba problema ne’ebe povu hasoru
Tuir estudante UNITAL Joanito da Cruz hateten Reprezentante povu iha uma fukun Parlamentu Nasional la iha seriedade hodi diskute problema prioridade ne’ebe povu Timor – Leste enfrenta iha prosesu dezenvolvimento nasional pelu kontrariu sees dook tiha husi Artigu 6 Konstituisaun RDTL kona-ba (Objetivu Estadu) ne’e rasik.
“Polítika Parlamentu Nasionál ne’ebe aprova proposta orsamentu privativu ba tinan fiskal 2023 nian hodi aloka ba sosa kareta foun ho marka pajero sport unidade 30 ho montante por volta 1.950.000$ no laptop 65 ho montante por volta de 172.500$ ba deputadu/a sexta lejislatura, ne’e representante povu laiha seriedade hodi diskute ba problema ne’ebe povu hasoru”. Tenik Porta Voz Joanito Maia da Cruz iha Resintu Kampus UNITAL, Bekora, 18/10/2022
Estudante UNITAL husu Presidente da Repúblika hodi veta diploma orsamentu hodi aloka ba bee moos, Estrada, edukasaun no kampu de Trabaallu
“Ami Husu ba Sua Exelénsia Prezidente Repúblika atu veta diploma orsamento refere para depois orsamentu sira ne’e hodi aloka no rezolve ba preokupasaun sira liliu kona-ba povu ne’ebe halerik ba Bee moos, estrada, edukasaun,kampu de traballu no preokupasaun sira seluk tan”.Nia Afirma
Entretantu, Estudante UNITAL husu ba Parlamentu Nasionál atu sosa kareta no laptop liu husi diminuisaun saláriu ba deputadu sira
Enkuantu, Parlamentu Nasionál kontinua ho polítika sosa kareta ba deputadu, maka Estudante UNITAL sei halo asaun pasífika hasoru Parlamentu Nasionál
Jornalista : Aquelina Taec & Anina Martins
Editor : Ekipa Editorial