Selebra Loron Mundial Ai-han, Assanami : TL Seidauk Sériu Investe Iha Setor Agríkola

SAPNewsTL, Dili : Iha Ámbitu Komemorasaun Loron Mundial Ai-han, Hafoin Partisipa iha Semináriu ho tema “Refleksaun Estratejia Seguransa Aihan no Nutrisaun iha Timor Leste LiLiu ba inan no labarik sira”, Orador dahuluk Eng. Mariano Assanami Sabino hateten problema ai-han iha Timor Leste kontinua buras tanba durante ne’e investimentu ba setor agrikultura seidauk seriu

Tuir Assanami katak objetivu prinsipal ba ukun rasik aan, maka oinsa mak atu asegura ema nia moris liu husi ai-han, Problema iha Programa agrikultor sustentabel durante ne’e maka la investe seriu iha setor Agrikultura

Deputadu ne’e konsidera setor agrikultura iha elementu tolu importante maka rai, loron-matan no bee, laos deit rezolve irrigasaun, maibe presiza barragem, nune’e bele hasa’e produsaun ai-han barak ba komunidade

“Ita bele haree katak setor agrikula ne’e elementu  3 importante mak  loron matan, rai no bee, iha loron matan iha bee no iha rai maske rai presiza sei halo, tanba rai bokur barak maibe problema mak bee, laos rezolve deit irrigasaun maibe barragen presiza, bee moos ba Ema, ai-horis, balada, tanba balada sira  diak sein bee mos  sira mate lalais”,Dehan   Primeiru orador Mariano Asanami Sabino  ba jornalista sira iha Salaun CCD Merkadu Lama, Tersa Feira (18/10/2022).

Asanami dehan, labariik barak mak Kabun moras, malnutrisaun tanba problema  bee moos kuandu ema define, saida mak aihan iha ibun tama ba kabun laran hahan ka bee  mai husi florestal, Agrikultura mai husi tasi, rai, bee ne’ebe tama iha Kabun laran ne’e mak bolu hahan.

“Ita presiza atensaun mak hanesan,  seguru katak tenke garantia ema hotu  han ne’e  mos no saudavel duni, tanba laiha protesaun iha rai ida ne’e katak ema ho hahan sira  ne’e saudavel ka lae, Naan manu iha dalan kleur ona to’o mai Timor  hasai husi zelera nia iis laiha tiha ba Baucau tau fali zelera, depois Sona sira han ne’e lasaudavel ona”. Nia sublinha

Nia hatutan bee barak Laos hasa’e deit produsaun, maibe hahan ne’ebe ema han ne’e seguru  haree husi Nia saude, kualidade ne’e diak para ema han liliu ba labarik sira,  inan isin rua sira nia nutrisaun

“Ita durante ne’e hasa’e produsaun deit mak fos, maibe  Ita lahatene karbonhidrat ne’ebe mai husi kompleksu ne’ebe diak ba ita nia isin mak feuk, ai-farina, talas, tanba sira kompleksu, maibe fos ne’e  karbonhidrat simples nia han lakleur nia masi-midar ona  gula darah”. hatete Asanami.

Atual Deputadu Sexta Legislatura ne’e fundamenta, Saida mak tenke halo hahan tenke iha, Ema hotu fasil asesu ba ai-han, ai-han ne’ebe han tenke seguru, ne’e responsabilidade governu, se mak hamlaha, se mak responsabiliza La’os agrikultor, tanba agrikultor hetan osan husi nia produsaun para nia bele ses husi kiak, se ema lahan, ema hamlaha ne’e governu mak responsabiliza

Entretantu, Assanami akresenta governu nuudar fasilitator, garantor, no produtor hodi hasa’e produsaun iha rai-laran no rai-liur, konsumidor povu tomak entaun hahú husi kuda ba kedan prosesamentu husi la’o estrada to’o dapur, husi dapur nia tein to’o ema han.

Enkuantu, Nia sublina, aihan bele diak kualidade maibe husi dalan ne’ebe dook demais nia kualidade tun no lakualidade to’o dapur nia dodok no Iis maibe fase moos tein entaun saida mak iha, bele bateria mak iha laran, virus, mikologi, bele akontese, tanba ne’e presiza oinsa haree no proteje ai-han sira molok konsumu

Jornalista : Antonio Tilman

Editor        : Ekipa Editorial