Husi Adezaun Ba Asaun, PM Xanana Reprezenta TL Iha Simeira ASEAN Ba Dala-48
Imajem: Primeiru-Ministru Kay Rala Xanana Gusmão iha Cebu-Filipina, hodi partisipa Simeira ASEAN ba dala-48 husi loron 06-08 fulan maiu, 07/05/2026. Foto: Média GPM
SAPNewsTL, Filipina: Primeiru-Ministru (PM), Kay Rala Xanana Gusmão to’o ona iha Cebu-Filipina hodi partisipa Simeira The Association of Southeast Asian Nations (ASEAN) bá dala-48 durante loron tolu husi loron 06-08 fulan maiu 2026.
Hafoin Primeiru-Ministru Kay Rala Xanana Gusmão to’o iha Cebu-Filipina simu ho serimónia bem vindo ho guarda ónra akompaña ho dansa kulturál Cebu nian, no hananu múzika Timor nian “Kole lele mai”.
Enkuantu, PM Xanana to’o Cebu iha tuku 11:55 oras lokál, simu hosi Embaixadór Timor-Leste (TL) iha Filipina Marciano Gracia da Silva ho Primeiru Sekretáriu hosi Ministériu Negósiu Estranjeiru no Kooperasaun (MNEK), Pedro Laranjeira no ofisiál sira Governu lokál nian.
Timor-Leste partisipa simeira bá da-huluk hafoin ofisialmente adere nu’udár membru plenu ASEAN bá dala-11 iha fulan-Outubru 2025.
Simeira ASEAN bá dala-48 ne’e partisipa mós hosi Xefe Estadu no Xefe Governu sira hosi nasaun membru ASEAN nian.
