BTL Selebra Akordu Ho Kompanha, Komunidade Covalima No Bobonaru Sei Asesu Ba Bee
![](https://sapnewstl.com/wp-content/uploads/2022/11/BTL.jpg)
Imajen sorumutu entre BTL no Kompanha sira hodi Asina akordu ba projetu bee moos ba komunidade
SAPNewsTL, DILI – Bee Timor-Leste Empreza Públika ( BTL, E.P ) selebra akordu ho kompañia manan nain sira hanesan, Roman Junior Unip. Lda no Soreira Unip Lda, molok implementa projetu sira iha Munisípiu Covalima no Munisípiu Bobonaro.
Kompanha Roman Junior Unip. Lda sei implementa projetu Konstrusaun Sistema Fornesimentu Bee Moos ba Postu-administrativu Fohorem, Munisípiu Covalima no Kompañia Soreira Unip Lda, sei implementa projetu Melloramentu Sistema Fornesimentu Bee Moos ba Postu-Administrativu Cailaco, Munisípiu Bobonaro.
“Ohin ita halo asina tan kontratu ho kompania 2 ne’ebe para halo servisu melloramentu sistema bee mos iha Postu Administrativu Kailaku, suku Melihu, Munisipiu Bobonaro inklui Postu Administrativu Fohorem Munisipiu Kovalima, ohin ita asina semana ida tan sira bele hala’o ona, hodi bele kontinua funsiona di’ak no lori bee ba komunidade sira”. dehan Presidente Bee Timor-Leste, Empreza Publiku (BTL, E.P), Carlos Peloi dos Santos ba jornalista sira iha Salaun Enkontru Edifisiu BTL E.P. Caicoli Dili Segunda-Feira (07/ 11/22).
Orsamentu ba projeitu 2 ne’e ho total besik 800 mil etal, tanba Postu Administrativu Fohorem Munisipiu Kovalima nian 489 mil etal, Postu Administrativu Kailaku Munispiu Bobonaro nian 446 mil etal para hadia sistema iha postu 2 ne’e, Iha Fohorem iha uma kain 210 ho populasaun 1200 resin, iha Kailaku nian uma kain 325 ho populasaun kuanze 1900 e tal
Presidente BTL ne’e aprofunda dadauk ne’e komunidade sira ne’ebe asesu bee mos kuaze munisipiu 12 maibe sistema sira ne’e dalaruma di’ak no ladi’ak maibe sira sei esforsu nafatin halo manutensaun ba sistema sira ne’e
“Ita jere iha nivel Munisipiu sira, agora hamutuk 12, iha kapital postu sira ita iha 22 liu projeitu sira la’o hela no halo melloramentu, ohin aumenta tan 2 tan hamutuk 22 ona sei iha prosesu aprovisionamentu no projeitu 14 maka ami sei halo levantamentu dadus para ita bele hadia sistema bee moos iha kapital postu sira para tinan oin ita bele prontu jere de’it, tinan oin bele rekruta staff hodi bele tau matan iha postu sira ida-idak”.nia informa
![](https://sapnewstl.com/wp-content/uploads/2022/11/BEE-TL.jpg)
Imajen Intervista Administrador Postu Administrativu Kailako Alfaredo Metadau
Entretantu, Administrador Postu Administrativu Kailako Alfaredo Metadau hateten ohin asina akordu ho kompania sira kona-ba Sistema distribuisaun no melloramentu bee mos iha Kailaku
“Translasaun bee mos, komunidade balu sobu kano no uza la tuir nia dalan ho lansamentu bee mos ne’ebé mak agora daudaun uza ne’e, komunidade iha ona responsabilidade atu utiliza bee ho diak no labele estraga”.
Lider Postu ne’e garante Komunidade Sira sei rekopera tanba ida ne’e parte kontribuisaun ba Estadu, oinsa atu asegura bee ho didiak no uza bee ho responsabilidade
“Sistema ida kanalizasaun ho kontador sira para Aliende ne’e, Ita fo responsabilidade ba povo sira atu kontribui uituan uituan ba nasaun bele hetan reseitu uituan husi utilizasaun bee mos, eletrisidade, estrada ne’ebé mak agora daudaun sai preokupasaun ba povo”. Nia haktuir
Iha fatin hanesan, Diretor Kompaña Roman Junior Unip.Lda, Jose Amaral haktuir obra ne’e sei implementa iha Suai fohoren, projetu refere kompanha sei implementa tuit BOQ (Built of Quantity)
“Ami nia kompañia mos husi Suai, konserteza ami sei hala’o ho responsabilidade, ha’u hanoin katak sei la ses husi BOQ ho dezeñu ne’ebé iha importante mak kolaborasaun diak husi kompaña no komunidade atu kontribui, Ami sei kumpri tuir orariu ne’ebé iha ami garantia sei finaliza iha fulan neen nia laran”. Nia hatete
Jornalista : Antonio Tilman & Marcela Merry da Costa
Editor : Ekipa Editorial