SEII Ensera Kampanha Kontra Violénsia Hasoru Feto, Tempu Ona Hapara Violénsia
Imajen Marsa Ba Kampanha Nasional Kontra Violensia Hasoru Feto ne’ebe organiza Sekretariu de Estadu para a Igualdade de Inklusaun (SEII) ho nia parseiru sira
SAPNewsTL, DILI- Sekretariu de Estadu para a Igualdade de Inklusaun(SEII) hamutuk ho parseiru sira hala’o enseramentu ba kampana loron 16 ativizmu kontra violensia hasoru feto no labarik feto, Tuir diretora diresaun nasional politika generu no inklusaun Filomena Babo Martins hateten feto nia direitu hanesan mos direitu umanus katak objetivu husi marsa ne’e hodi finaliza loron 16 kampanha kontra violensia hasoru feto
“Marsa ida ohin ita halo ne’e, ita atu ensera loron sanulu resin neen(16) kampanha ativismu kontra violensia hasoru feto,ne’ebe mak nia abertura ita halo iha 25 de novembru municipio Ermera, postu adminiatrativu Ermera Vila, suku ponilala, tuir lolos ne’e ensera iha dia 10 loron direitu umanu, tanba feto nia direitu mos sai hanesan direitu umanu, maibe iha momentu ne’eba iha ferias naruk i ami iha ferias pois karik ema la partisipa, entaun ami muda fali ba ohin”.Dehan Diretora nasional politika generu no inklusaun Filomena Babo Martins ba Jornalista sira iha jardim motael, kuarta(14/12/2022)
Nia salienta, mesmu kampanha loron 16 nian ensera maibe prevensaun violensia kontinua ba bebeik atu hamenus violensia iha Timor-Leste
“Objetivu marsa ohin ne’e ita la’o to’o Habibi aumensu tempu ita haklaken katak kampanha ita ensera ona maibe prevene violensia ne’e kontinua lor-loron, atu bele redus no halakon violensia hasoru feto no labarik feto iha Timor-Leste, kampanha 16 ne’e iha Timor ita hahu iha independensia, antes ne’e ita haklaken iha ai-laran hapara violensia feto no labarik ne’e hahu kedas iha emanisipasaun banhira iha tempu resistensia” Tenik nia
Deputada Lidia Norbeta hamutuk Ema ho Defisiensia inklui Feto sira hala’o Long marsa ensera Kampanha Nasional Kontra violensia hasoru feto iha Timor Leste
Entertantu, representante autoridade munisipiu Dili Justina de Jesus Amaral haktuir munisipiu Dili konsentrasaun ema barak ne’ebe mak hamutuk, ho karakteristika ne’ebe mak la hanesan ne’ebe hamosu komplexidade i hamosu violensia barak iha kapital, tanba ne’e autoridade munisipiu Dili husu atu hotu-hotu ne’ebe mak marka presensa iha marsa bele hatutan informasaun no sai hanesan luta atu kontra violensia ne’ebe mak mosu
Enkuantu, Iha Marsa refere hetan partisipantsaun maksimu husi parte Grupu Mulher Parlamentu Nasional Deputada Lidia Norberta, Parte Sekretariu Estadu Inkluzaun Sosial, Assosiasaun ema ho defisiensia, Feto no labarik feto sira inklui sira seluk.
Jornalista : Marcela Mery da Costa
Editor : Ekipa Editorial