EUA Sei Rehabilita Aeroportu Baucau Ho Valor Millaun $ 23

Imajem Aeroportu Baucau

SAPNewsTL, Dili- iha ambitu Estadus Unidus Amérika (EUA) ho Timor-Leste (TL) hala’o ezersísiu militár konjunta CARAT (Cooperation Afloat and Readiness Training) ne’ebe hahú husi 10 to’o 15 Fevereiru, enkaregadu negosiu, Tom Daley haktuir EUA iha kompromisu ho valor millaun $23-resin hodi halo reabilitasaun aeroportu Baucau hamutuk ho Governu Timor-Leste (GTL). Liuhusi kriasaun Komponente Aéreu ida, projetu ne’e sei tulun F-FDTL no tulun GTL hodi monitoriza ninia territériu maritima ho di’ak liutan

“EUA iha kompromisu ho valor millaun $23-resin hodi halo reabilitasaun aeroportu Baucau hamutuk ho Governu Timor-Leste (GTL). Liuhusi kriasaun Komponente Aéreu ida, projetu ne’e sei tulun F-FDTL no tulun GTL hodi monitoriza ninia territériu maritima ho di’ak liutan” dehan Estadus Unidus nia enkaregadu negosiu, Tom Daley ba jornalista iha knar fatin, (10/02/2023).

Enkaregadu ne’e hatutan, ezersísiu militár ne‘e sei hakle’an liután parseria seguransa entre EUA no TL liuhusi promove kooperasaun seguransa, manutensaun no hametin parseria marítima, no hasa’e inter-operabilidade marítima. Ezersísiu ida-ne’e sei hahú ho xegada ró transporte anfibiu ida klase San Antonio, USS John P. Murtha Navy, no jogu tebe-bola amizade ida entre militár EUA no F-FDTL iha Estádiu Nasionál.

Imajen : Enkaregadu Negosiu EUA, Tom Daley

Tom akresenta,  ezersísiu CARAT ne’e bazeia ba parseria seguransa entre EUA ho TL ne’ebé buras ba bebeik, liuliu EUA nia kompromisu ho valor millaun $23-resin hodi halo reabilitasaun aeroportu Baucau hamutuk ho Governu Timor-Leste (GTL). Liuhusi kriasaun Komponente Aéreu ida, projetu ne’e sei tulun F-FDTL no tulun GTL hodi monitoriza ninia territériu maritima ho di’ak liutan

Nia realsa, EUA mos apoia oinsa responde ba dezastre naturál sira, no promove dezenvolvimentu ekonémiku. Hanesan parte husi EUA no TL nia parseria seguransa, EUA hala’o ezersísiu militár anuál hamutuk tolu ho F-FDTL no fasilita membru militár barak hodi tuir formasaun lian Inglés no edukasaun profisional militár iha EUA. EUA nia Forsa Navál Seabees mós konstrui ka reabilita ona projetus 100-resin, inklui klínika no eskola sira ho valor millaun $60-resin iha TL laran tomak.

“Liuhusi ezersísiu konjuntu ida-ne’e, ita hein katak TL sei iha pozisaun ida di’ak liu hodi defende ninia sidadaun sira, proteje ninia soberania, no promove ninia interese nasionál rasik. Ikus liu, ami-nia apoiu bazeia ba vizaun ida kona-ba rejiaun indo-Pasífiku ida ne’ebé nakloke no livre, iha ne’ebé governu sira foti desizaun soberanu rasik no área dominiu komun governadu tuir lei.” Nia hakotu.

Enkuantu, antes ne’e CPD-RDTL mos hato’o sira nia preokupasaun kona-ba aeroportu Baucau ne’ebe sei rehabilita husi Estadus Unidos da America (EUA), maske nune’e maibe guvernu iha ona akordu no komprimssiu hodi desenvolve aeroportu refere

Repotajen: Antonio Altamirando