MEJD Hasoru ACETL Ko’alia Programa Prioridade Edukasaun Nasional No Internasional
![](https://sapnewstl.com/wp-content/uploads/2023/03/MEJD-UNICEF.jpg)
Imajem Aksaun Konjunta Edukasaun Timor-Leste (ACETL), Ministeriu Edukasaun Juventude No Desportu (MEJD) hamutuk ho parseiru sira, iha salaun City 8 Manleuana, Dili tersa (28/02/2023).
SAPNewsTL, Dili: Aksaun Konjunta Edukasaun Timor-Leste (ACETL sigla portuges) hamutuk ho Ministeriu Edukasaun Juventude No Desportu (MEJD) hala’o enkontru, enkontru refere koalia kona-ba interese ba edukasaun internasional no nasional atu nune’e bele hare’e ba programa prioridade relasiona ho orsamentu ministeriu nian.
“Ha’u sente kontente tebes hodi hola parte iha ACETL nia enkontru dahuluk iha 2023, reuniaun ida ne’e ami tau hamutuk interese ba edukasaun internasional no nasional atu hare’e kona ba programa prioridade governu nian relasiona ho orsamentu ministeriu ninian ne’ebe sei servisu hamutuk ho parseiru sira, orsamentu ne’ebe husi ita nia parseiru sira tau hamutuk bele implementa di’ak liu tan programa prioridade MEJD liuliu iha area edukasaun”, dehan MEJD Armindo Maia ba jornalista iha salaun City 8 Manleuana, Dili tersa (28/02/2023).
Ministro hatutan, programa prioridade MEJD nian iha 2023 reforsa liu tan ba dezenvolvimentu kurikulum no hadia kualidade profesor sira nian Liu husi formasaun no kapasitasaun, MEJD mos asegura inklusividade liu husi edukasaun inkluzivu ne’ebe orsamentu iha tinan kotuk iha 45 Mill no agora sa’e ba 80 mil, edukasaun Inklusiva iha tinan ne’e sira mos sei la aumenta ho atividade sira liga ho lei opsaun planu, iha lei oferta ba edukasuaun maibe sei halo formasaun ne’ebe esensial tebes atu kria kondisaun diak ba alunus sira liuliu atu asegura dezenvolvimentu nasaun nian liu husi reforsa protividade no kompetividade alunu sira nian iha idade ativu.
Armindo Informa, programa ne’e hetan finansia boot tebes kuaze 88.5% husi OJE 2023 ho montante Millaun 122,2 ne’ebe aloka mai MEJD, ministériu mos hasa’e orsamentu no salariu ba Millaun 52 ne’ebe mak apoiu makas ba hadia sistema edukasaun ne’ebe sai nafatin prioridade a’as hodi hadia infraestrutura edukativa hamutuk kuaze Millaun 15 Iha OJE 2023.
Entertantu Representante UNICEF hanesan mos Co-Chair ACETL Bilal Durrani hatete, sira orgullu tebes lidera enkontru no sira sei suporta dahuluk ba edukasaun pre eskolar nia kualidade no hare’e edukasaun inkluzivu
“Ami mos orgullu tebes ho lidera enkontru ida ne’e, ami nia suporta dahuluk foka ba iha edukasaun ba pre eskolar nia kualidade atu nune’e ita nia manorin sira mos asessu no hare’e kona ba estudante sira ne’ebe mak la assesu ba eskola no ba estudante sira ne’ebe mak iha area inkluzivu nian”, Bilal dehan
Jornalista : Aquelina Mangalhaes