Benigno Valensa : Foinsa’e Kreativa, Poténsia Ba Nasaun, Joven Tenki Hamihis Dependénsia Ba Inan Aman Sira
![](https://sapnewstl.com/wp-content/uploads/2022/04/1650964274747-650x488.jpg)
SAPNewsTL DILI, 26 Abril 2022 : Foinsa’e Kriativu Pintor Benigno Servilano Valensa Ho Idade 21, Husi Munisipiu Lautém, Postu Adiministrativu Lospalos, Benigno Nu’udar Estudante Ativu Semestre VII, Iha Universidade Nasional Timor-Lorosa’e, Fakuldade Injiñaria Siensia No Teknolojia, Departamentu Injiñaria Sivil Hera hateten ‘Foinsa’e Kreativa, Poténsia Ba Nasaun, Forsa ba Familia tenki koko hodi Hamihis ita nia Dependénsia Ba Inan Aman hahú agora.
Iha intrevista ho Foinsa’e Benigno Servilano Valensa afirma, Ha’u Halo Pintura(Wap) Ne’e, Hodi Sustenta Ha’u Nia Estudu, Selu Kost No Hamihis Dependénsia Ba Ha’u Nia Aman Inan. Nia akresenta “Obra Ne’ebé Mak Ha’u Halo, Ha’u Hetan Inspirasaun Wainhira Akompaña Media Sosial, Liu-Liu Media Youtube, Husi Ne’e Hau Koko Aprende No Implementa Esperiensia Ne’ebé Ha’u Hetan Husi Youtube Hodi Sai Obra Simples Ne’ebé Kerativu No Inovativu No Mos Hamosu Pensamentu Ida Katak Foin Sa’e tenki Kreativu Sai Forsa Ba Transformasaun Sosial”. Tenik Benigno ba SAPNewsTL
Benigno fundamenta, liu husi kreatividade ne’e ha’u bele hetan rendimentu rasik, fasilita ha’u nia nesesidade lor-loron no hahu hamihis ona dependensia ba ha’u nia aman inan sira iha foho, inklui kore oituan todan ne’ebé ha’u nia papa no mama sira leba iha sira kabás.
Benigno afirma, iha prosesu kria figura hirak ne’e, normalmente enfrenta dejafiu barak, liu-liu fasilidades relevante sira hodi fasilita iha prosesu kriasaun figura nian ne’ebé minimu, tempo ne’ebé limitadu tamba preokupasaun ho estudu no mos fatin ne’ebé la dun sufisiente. maske nune’e dejafius hirak ne’e la hamate espiritu kreativu joven benigno nian, nia avontade nafatin hodi kria obra ne’ebé kreativu no inovativu liu husi pintura digital (WAP).
Joven kreativu ne’e mós akresenta liu tan katak “nu’udar juventude milenial ne’ebé nakonu ho pensamentu kreativu, labele tur hein no tane deit ba ita nai ulun sira, maibe tenke koko hodi kria buat inovativu ida liu husi matenek ne’ebé ita hetan formal no non-formal. Hodi bele kontribui ba iha ita nia sosiedade, liu-liu ba ita rai doben Timor-Leste ida ne’e. Benigno hatete. Dili, 25 Abril 2022.
Enkuantu, Benignu Servilano Valensa salienta tan katak, kreatividade importante ba joven produtivu sira katak ita tenki pro-ativu hodi halo buat ruma ne’ebe ita bele halo ba ita nia sosiedade Timor-Leste. Dehan Benignu, 26/04
Jornalista : Sergio Delekuar
Editor : Marzina Patricia dos Santos Hornay