Preçu Kombustível Aumenta, Zeferino Husu DNTT Hasa’e Tarefa Ba Passageirus sira. Albino :Ha’u Foho Oan, Ha’u Toman Ona Ho La’o Ain
SAPNewsTL, Dili, 26 Abril 2022 : Representante Kondutor Motorista Zeferino husu Diretor Diresaun Nasionál Transporte Terrestres (DNTT) atu hasa’e tarefa ba pasageiru sira hanesan estudante tenki selu $ 0.15 ba 0.20 centavus, pasageiru normal tenki 0.25, tanba folin kombustivel sa’e fo impaktu ba ami nia rendimentu kada loron.
Iha Pers Konferénsia, ne’ebe realiza iha Tasi-Tolu, Zeferino hateten ho folin mina ne’ebe sa’e makas, ami kondutor husi mikrolete 01 to’o 012 husu atu Diretor Diresaun Nasionál Transporte Terrestres bele hasa’e mos tarefa ba pasageiru sira, tanba se folin mina sa’e, tarefa ba passaseiru sira nafatin, ami labele hetan rendimentu ne’ebe sufisiente. Zeferino hatete. Tasi-Tolu, 26 Abril 2022.
Kondutor ne’e fundamenta, Se DNTT la hasa’e tarefa, la fo resposta imediatamente ba ami nia ezijensia ida ne’e, maka ami sei halo greve hahú husi loron 26 fulan Abril to’o loron 02 fulan Maiu 2022, tanba la konsidera ami nia preokupasaun. Dehan Zeferinu iha nia deklarasaun.
Iha sorin seluk, estudante UNTL Albino dos Santos sente preokupadu tanba transporte la halai, prejudika ami atu tama sedu tuir oras aula nian, nune’e Albino husu ba DNTT atu solusiona ba preokupasaun Kondutor Mikrolete sira nian, para ke sira bele halai normal fali hanesan baibain hodi fasilita ami Estudante sira. Dehan Albino ba SAPNewsTL.
Albino Akresenta, maske mikrolete la halai maibe ha’u toman ona, tanba ha’u foho oan, sente baibain ona ho la’o ain hodi sa’e foho tun foho, entaun ba ha’u laos kestaun boot liu hanesan estudante ida, maibe ba kolega sira seluk ne’ebe seidauk toman, ha’u hanoin sira presiza duni transporte para fasilita sira hodi ba eskola. Dehan Albino.
Enkuantu, to’o ezijensia ne’e fo sai, Diretor Diresaun Nasionál Transporte Terrestres seidauk fo resposta pozitiva ruma kona ba kestaun ida ne’e. Dili, 26 Abril 2022
Jornalista : Absalão da Costa
Editor : Sergio Delekuar