Janios : Ha’u Fa’an, Ha’u La Moe, Molok Loron Matan Sa’e, Ha’u Fa’an Ona Iha Luron Ninin, Ha’u Kontenki Halo lda Ne’e
SAPNewsTL, Lautém, 25 Abril 2022 : Janios dos Santos da Costa ho idade tinan 15, Moris hanesan fa’ an nain, Foinsa’e ne’ebe Badinas, Simples no Nonok, Hatudu nia Oin Midar, Janios ne’ebe sempre hader sedu molok rai hun mutin no loron matan sa’e, nia iha ona luron ninin.
Iha intrevista Janios dos Santos da Costa hateten, ha’u Baibain ona, wainhira dader ha’u hader mai, ha’u sempre ba hariis, hafoin ha’u haris hotu ha’u lori dose, paun no molen ne’ebe ha’u nia ama prepara ne’e hodi ba faan, Durante iha oras rua nia laran husi 06:00-08:00 AM, ema hola hotu dose ne’ebe ha’u faan mak ha’u fila ba uma hodi ba eskola. Dehan Janios, Lautém 25/04.
Iha dadalia ho nia, Janios akresenta ‘’Ha’u Agora Halo Tinan 15, Klasse 7° Ano Iha Eskola Ensinu Baziku Sentral Nu. 2 Luro. Janios dader hader mai sempre lori nia Dose, Paun no Molen ne’ebe nia Ama Produz hodi ba faan iha dalan ninin iha Postu Administrativu Luro Vila Munisipiu Lautém.
Ha’u eskola iha tempu dader, Entaun ha’u faan iha dader, no dala barak liu ha’u faan mos iha parte loraik, tanba ho atividade faan lor- loron ida ne’e, bele hetan osan hodi sustenta ami nia nesesidade familiar, uza osan ne’e balu hodi hola pasta, kadernu, lapizeira, lapis, sapatu eskola nian, kamiza eskola nian, roupa no sira seluk tan. Tenik nia
Nia hatutan, Ha’u involve an iha Organizasaun Klibur Foinsa’e Fini Luro no Grupu Kategoria lgreja nian hanesan Agremiação Acólitos Paroquia Luro, Grupu sira ne’ebe ha’u involve ne’e ami ba aprende, estuda, realiza no organiza atividade hamutuk hodi prepara ami nia an. Buat ne’ebe ami aprende mak aprende kona ba Lideransa, Edukasau Sivika, Tuir kursu lian, Servi Altar nia iha Grupu Akólitos nian, Oinsa aprende no brani Koalia iha públiku. Janios hateten ba Ekipa Media SAPNewsTL.
Bainhira ha’u faan, ha’u nia belun sira haree ha’u, sira sempre suporta ha’u, sira halo ha’u kontente no ha’u kontente los hala’o ha’u nia atividade hodi kontinua faan. Iha uma, kalan ha’u sempre estuda, reza, ajuda ha’u nia familia no buat sira ne’e mak ha’u halo. tenik Janios dos Santos. Luro-Lautem, 25 Abril 2022
Enkuantu, Janios konsidera, atividade ne’ebe nia hala’o lor-loron ne’e sai ona nia abitu eh toman ida ne’ebe nia halo, nia afirma sei la para iha klaran, wainhira ha’u sei eskola to’o boot, ha’u sei faan nafatn, maske ha’u faan, maibe ha’u nia futuru, ha’u la haluha. Janios hatete.
Jornalista : Marzina Patricia dos Santos Hornay
Editor : Sergio Delekuar