PDC Promete Hadia Setor Edukasaun No Instala Internet Gratuita Ba Eskola Sira
Imajem : Presidente PDC Francisco de Araujo, iha Postu Administrativu Bazartete, 27/04/2023
SAPNewsTl, Likisa: Partido Democrata Cristão (PDC) hala’o mini kampaha iha suku Tibar postuAdministrativu Bazartete Munisipiu Likisa, Prezidente PDC Francisco de Araujo kompromete wainhira PDC hetan fiar husi povu ba ukun sei hadia setor edukasaun no kualidade professor sira nian nune’e bele garante kualidade eduksaun hodi koresponde ba merkadu traballu.
“PDC mai ho nia programa prioridade maka hakarak atu hadia setor edukasaun no hasa’e kualidade professores sira nian liu husi formasaun no kursu lingua portuges no inglesh,nune’e bele produz rekursu humanu kualidade hodi ba dezenvolvimentu iha ita nia rai lara, tamba ita nia parte edukasaun seidauk la’o ho diak liliu kondisaun eskola barak falta fasilidades eskola,ezemplu eskola Sekundariu Geral 4 de Setembru Dili,”dehan Prezidenti PDC Fransisco de Araujo ba jornalista sira iha Suku Tibar Postu Administrativu Bazartete Munisipiu Likisa, 27/04/2023
Imajem : Militante PDC Suku Tibar, Postu Administrativu Bazartete
Prezidenti PDC ne’e mos preokupa konaba numeru estudante ne’ebe to’o 60 mak akumula iha aula ida,tanba normalmente tuir estandar nasional estudante minimu 20 to’o masimu 35 mak akumula iha aula ida
Francisco De Araujo akresenta “eskola hotu tenki iha laboratoriu,biblioteka,fasilidades eskola, internet ba estudante sira no hari’i moru protesaun ba eskola hotu liliu ba eskola sira ne’ebe iha area rural”.nia hateten
Entertantu, mini kampanha ne’e hetan partisipasaun masimu husi militante no simpatizante sira iha Postu Administrativu Bazartete Munisipiu Likisa, no mos hetan observasaun husi CNE, PNTL,portantu PDC sei kontinua nia kampanha ho tipu dor to dor iha Postu Administrativu Maubara iha loron, 28 abril 2023.
Jornalista : Lidia Amaral