PLP Promete Fo Bolsa Ba Oan Dahuluk Husi Familia & Kréditu Ba Estudante Sira
SAPNewsTL, Dili : Iha Komísiu Partidu Lbertasaun Popular (PLP) iha Tasi-Tolu, Presidente PLP Jeneral Taur Matan Ruak promete sei fo kréditu ba estudante sira ne’ebe hakarak eskola bele ba halo kréditu iha banku hodi selu eskola to’o remata, hafoin fo fila osan la jurus ka funan laiha, nune’e bele hakaman todan ba inan aman sira
“Ita sei fo kréditu ba estudante sira ne’ebe hakarak eskola, bele ba halo kréditu iha banku hodi selu eskola to’o remata, hafoin fo fila osan laiha jurus ka funan laiha, nune’e bele hakaman todan ba inan aman sira, ita mos sei halo uma no biblioteka ba estudante sira, uma ba mestre sira ho gratuita, la hela iha Kost, to’o sira hetan servisu mak selu”. Tenik Presidente PLP Jeneral Taur Matan Ruak, liu husi Komisiu iha Tasi-Tolu, 17/05/2023
Eis Guerileiru ne’e sublinha, wainhira joven sira hola malu, familia ne’e nia oan primeiru estadu mak haree nia eskola husi eskola primária to’o lisensiatura
“Programa bolsa estudu, feto ran no mane klosan sira ne’ebe hola malu, nia oan primeiru estadu mak selu nia eskola hahú husi pre-eskolar to’o S1 (Lisensiatura), maibe oan ne’e tenki kuda ai-oan ida ne’ebe hakerek ninia naran iha ai ne’e, daudaun ne’e estudane barak hetan ona bolsa hakbiit ne’ebe estuda ona iha universidade sira”. Promete Presidente PLP
Entretantu, PLP mos iha programa rotativa hodi desenvolve talentu juventude sira husi suku sira iha teritóriu Nasionál, inklui desenvolve artes marsiais sira no rituais sira tanba guvernu atual fo ona apoia ho orsamentu 2.6 milloens hodi forma sira no hari’i sede artes marsial sira ne’ebe resgistadu hamutuk 17 iha baze de Sekretaria Estadu Juventude no Desportu nian
Iha Komisiu ne’e hetan partisipasaun maksimu husi militante no simpazante sira husi Postu Administrativu Dom Aleixo, Kristu Rei, Vera Kruz, Nain feto no Metinaru, Portantu, kampanha ne’e hetan observasaun husi observador nasional no internasional sira, hetan seguransa husi Polisia nasional Timor Leste (PNTL) no Batellaun Ordem Públika (BOP)
Jornalista : Ferderita Miranda