Breaking News: Feto Ran 1 Tara An Iha Baukau
SAPNewsTL, Baukau : Ohin Loron, 10 Fulan Outubru 2023, maiz ou menuz haleu oras meiudia mosu tan insidente joven feto ida tara an iha Suku Badu-Mori Postu Administrativu Venilale, Munisipiu Baukau
Hafoin Informasaun ne’e públika iha sosial media, SAP News Timor-Leste buka tuir kedas no halo kontaktu ho Venilale oan balun katak Sidadaun feto ida ho Naran Estimadu Abuy ne’e tara an iha area Suku Badu-Mori, Postu Administrativu Venilale Munisipiu Baukau
Joven Feto Ran ne’e tara an iha area Suku Badu-Mori, fatin ne’ebe Matebean Abuy tara an ba ne’e dook uituan husi uma Ne’ebe Komunidade sira hela ba
Matebean Abuy tara an iha oras meiudia, hafoin tara an Komunidade sira hetan maibe Feto ran ne’e ho kondisaun laiha ona iis tanba tanba tali ne’ebe nia uza habit metin ninia kakorok ikus mai halo Abuy lakon vida
Hafoin Notisia ne’e tun, SAP News TL tenta hodi halo komfirmasaun ho parte relevante sira iha Postu Administrativu Venilale maibe seidauk hetan kauza lolos husi insidente refere, maske nune’e maibé SAP News sei kontinua kolleta informasaun kompletu hodi públika iha oras balun tuir mai
Lembra fali katak, ohin dader mos mosu insidente ne’ebe hanesan iha Postu Administrativu Dom Aleixo Munisipiu Dili, Feto ida ho naran Jelia Freitas Cabral husi Postu Administrativu Quelecai Munisipiu Baucau tara an rezulta sidadaun refere lakon nia moris, iha ne’ebé agora daudaun Matebean refere iha ona parte seguransa nia liman hodi submete ba prosesu autópsia
Iha fulan Maiu liu ba mos, mosu Feto na’in 3 no Mane 1 tara an, rezulta sira na’in haat lakon vida hotu tanba laiha ema ruma ne’ebe belê hetan lais hodi salva sira
Antes ne’e, Padre Rui do Carmo da Silva SDB, liu husi intervista ho jornalista SAP News TL iha Gleno-Ermera, nia husu ba joven sira hodi labele hanoin badak wainhira hasoru problema ruma katak joven sira labele hakotu rasik nia moris liu husi tara an tanba moris ne’e maromak mak fo, so nia mak bele foti hikas.
Jornalista : Aquelina Magalhães