ABC Internasional & KI Hakarak Produz Jornalista Ne’ebe Investigativu
SAPNewsTL, Balibo- Konsellu Imprensa servisu hamutuk ho ABC internasional Development kapasita Jornalista nain sanulu resin ida tuir Jornalizmu Investigativu, Objetivu husi formasaun ne’e bele dezenvolve kapasidade interpreta dadus no produz notísia investigativu ba futuru
Iha diskursu Presidente Conselho de Imprensa (sigla Portugues CI),Otelio Ote hateten katak importante halo investe ba Jornalista nain-11 atu mininu hanesan jornalista nain liman(5), ne’ebe mak mate iha Balibo
“Ne’e opportunidade diak tanba ohin loron importante ba ita tinan haat nulu resin liu ba Jornalista nain lima(5), investe sira nia ann iha ne’e, ohin ita hahu istoria foun ne’e atu investe imi nain-11 atu sai ema minimal hanesan Jornalista nain-5 ne’e”Dehan Presidente Conselho de Imprensa Otelio Ote iha diskursu loke seksaun treinamentu investigativu ba Jornalista iha salaun Hotel Balibo Fort,(16/10/2023)
Presidente CI haktuir katak Formasaun refere importante tebes hodi kapasita Jornalista sira hodi nune’e sai jornalista investivativu ida minisipiu sira
“Konsellu imprensa, Jornalista hotu-hotu iha deve ida ba imi nain-11 ne’ebe loron haat(4), ida ne’e uza opportunidade tanba dala barak halo formasaun sira hanesan ne’e tinan kotuk ita organiza formasaun hanesan ne’e konvida media ida husi Jakarta hodi halo formasaun ba alin sira maibe depois hotu sira lakon fila-fali. Agora ita ho Australia opportunidade diak ida ita espera katak nain-11 ne’ebe minimal iha munisipiu sanulu resin rua ne’e ida-idak”Informa nia
Director Engagement and ABCID Aaron Kearney salienta katak ABCID haksolok tebes servisu hamutuk ho Conselho Imprensa hodi fasilita treinamentu investivativu ba Jornalista sira
“Ami orgulhu los ba opportunidade servisu ho Consello Imprensa no Jornalista sira husi Timor-Leste kona-ba kria planu ba Jornalista Investigativu ba futuru,Ami gosta los servisu ho Jornalista sira tanba opportunidade barak ba kria istoria importante Timor-leste ba futuru”Haktuir nia
Nia informa katak “Ami nia kolega sira iha ne’e aprende formasaun barak durante semana ida no ami orgulhu los servisu ho jornalista sira. Iha Timor-Leste demokrasia ne’e importante los, maibe ita tenke iha media ne’ebe mak forte”
Nia haktuir katak materia ne’ebe mak hanorin ba jornalista sira mak oinsa halo planu ba istoria investigativu no metodu kria kualidade istoria ne’ebe mak komunidade enfrenta
“Ami nia ekipa iha ne’e sira aprende kona-ba metodu kria kualidade istoria kona-ba komunidade,problema iha komunidade no sira simu informasaun kona-ba istoria bo’ot, metodu ba intervista,kria planu ba istoria investigativu”
Nia espera katak jornalista sira bele aproveita formasaun foun ne’e, atu kria istoria diak no servisu ho media sira ba kria ambiente ho situasaun forte no promove demokrasia ba futuru
Entertantu, treinamentu Investivativu refere partisipa husi jornalista nain-11 mai husi media SAPNewsTL, Independen, Hatutan.Com, Dili post, Timor Post, LafaekNews, Yokalo, Naunil, COT, Radio Liberdade no Radio komunidade Ermera
Jornalista: Marcela Mery da Costa